3 ماۋسىم 2019, 19:16 703 0 قوعام دينارا مىڭجاسارقىزى

اتىراۋ وبلىسىندا 2 مىڭنان استام قوي قىرىلعان

جەرگىلىكتى جانە استانالىق مال دارىگەرلەرى قويلاردىڭ جاپپاي قىرىلۋىنىڭ سەبەبىن ناقتى ايتا المادى. اتىراۋ وبلىسىنىڭ سۇيىندىك اۋىلىندا ءبىر ايدان بەرى بەلگىسىز اۋرۋدان ەكى مىڭنان استام قوي قىرىلىپ قالدى. شارۋاشىلىقتا ەدىلباي قويى وسىرىلەدى.

شىعىن مولشەرى 60 ميلليون تەڭگەدەن اسقان. ءجۇز ادام جۇمىس ىستەيتىن اسىلتۇقىمدى شارۋاشىلىق جەتەكشىلەرى بۇل شارۋاشىلىقتىڭ ءبىر جىلدىق تابىسى ەكەنىن ايتادى.

ماماندار قوي شەشەك اۋرۋىنىڭ كەسىرىنەن قىرىلىپ جاتىر دەگەن دياگنوز قويعان. تەز ارادا 36 مىڭ ۆاكتسينا الىنىپ، ەكپە جاسالىنعان ەكەن.

"باستاپقى كەزدە ناقتى دياگنوزى تابىلماعانىمەن، مالدى امان الىپ قالۋ ءۇشىن وتارعا تۇگەلدەي ەكپە جاسالدى. بارلىق شارانى قولدانساق تا، شىعىن ءالى دە توقتاماي تۇر", - دەدى مال دارىگەرى حاليىق سەيىتجانوۆ.

سىنامالار اتىراۋ مەن استاناداعى زەرتحاناعا جىبەرىلدى. اۋىل شارۋاشىلىعى مينيسترلىگىنىڭ جاۋابى كوپ كۇتتىرگەن جوق. الايدا ماسەلە مۇنىمەن شەشىلمەدى. شەشەك اۋرۋى دياگنوزى راستالماعان. بىراق مالدىڭ قىرىلۋىنىڭ ناقتى سەبەبى انىقتالماپتى.

ء"بىزدىڭ مالدىڭ دياگنوزى ءالى كۇنگە دەيىن انىقتالماي وتىر. قۇزىرلى ورگاندار وسىنى حابارلاپ، مۇمكىندىگىنشە بىزگە دوتاتسيا، بولماسا وتەماقى تولەپ كومەك ەتسە دەگەن ويىم بار", - دەدى شارۋا قوجالىعىنىڭ باسشىسى باۋىرجان يساقۇلوۆ.

وزگە شارۋا قوجالىقتارىندا دا قويدىڭ قىرىلىپ جاتقانى بەلگىلى بولدى. جەرگىلىكتى تۇرعىنداردىڭ قورالارىنداعى مال دا بەلگىسىز ىندەتكە شالدىققان.

سوڭعى جاڭالىقتار