3 ماۋسىم, 18:03 182 0 دەنساۋلىق دينارا مىڭجاسارقىزى

قوستانايدا بوكس ورتالىعى اشىلادى

قوستاناي قالاسىندا بوكس ورتالىعى اشىلادى، دەپ حابارلايدى قازاقپارات قالا اكىمدىگىنىڭ ءباسپاسوز قىزمەتىنە سىلتەمە جاساپ.

بۇگىن گاشەك كوشەسىندەگى كارتينگ-ورتالىق بازاسىندا قوستاناي وبلىستىق بوكس فەدەراتسياسىنىڭ وتىرىسى ءوتتى. شاراعا وبلىس اكىمى ارحيمەد مۇحامبەتوۆ، فەدەراتسيانىڭ اتقارۋشى كوميتەتىنىڭ جانە جاتتىقتىرۋشى-وقىتۋشىلىق قۇرامى قاتىستى. «قوستاناي قالاسىندا بوكس سپورتىن دامىتۋ ءۇشىن كەشەندى شارالار قولعا الىنباق. سولاردىڭ ءبىرى - بيىل قالاداعى كارتينگ-ورتالىق بازاسىندا بوكس ورتالىعىن قۇرۋ جوسپارلانىپ وتىر. مۇندا وڭىردەگى جاسوسپىرىمدەر دە، وسى سپورتپەن شۇعىلدانىپ جۇرگەن بىلعارى قولعاپ يەلەرى دە جاتتىعىپ، جارىستارعا قاتىستىرىلادى»، - دەلىنگەن قالا اكىمدىگىنىڭ ءباسپاسوز حابارلاماسىندا.   بۇگىنگى وتىرىستا وبلىستاعى بوكس قاۋىمداستىعى پرەزيدەنتى لاۋازىمىنا قوستاناي قالاسى اكىمى قايرات احمەتوۆ ۇسىنىلىپ، ونىڭ ۇمىتكەرلىگى ءبىراۋىزدان قولداۋ تاپتى.

سوڭعى جاڭالىقتار