3 ماۋسىم, 12:04 466 0 كولىك TURKYSTAN.KZ

پويىز بيلەتىنىڭ باعاسىن الىپساتار قىمباتتاتا المايدى

1 شىلدەدەن باستاپ تەمىرجول بيلەتىن ساتۋ جۇيەسى وزگەرمەك. جاۋاپتى مامانداردىڭ حابارلاۋىنشا ەندى الىپساتارلار جولاۋشىلار قايتارعان بيلەتتەردى "قولعا تۇسىرە" المايتىن بولادى.

ەلەكتروندى تەمىرجول بيلەتتەرى فيسكالدى چەك رەتىندە سانالىپ، جولاۋشىلاردى ەسەپكە الۋ مەن وتىرعىزۋعا نەگىز بولادى. بيلەت كاسسالارى ءۇشىن جول قۇجاتىن ساتۋدىڭ جاڭا شارتتارى تۋرالى "جولاۋشىلار تاسىمالى" كومپانياسى حابارلادى.

"جولاۋشىلار تاسىمالى" پويىزىنا بيلەت الۋ بيىل 1 شىلدەدەن باستاپ اۆتوماتتاندىرىلعان جۇيە ارقىلى ىسكە اسىرىلاتىن بولادى.

"بۇل جۇيە ارقىلى رەسىمدەلگەن ەلەكتروندى بيلەت فيسكالدى چەك قانا ەمەس، جولاۋشىلاردى ەسەپكە الۋ مەن وتىرعىزۋعا نەگىز بولا الادى. بۇل جۇيە ءارتۇرلى قۇيتىرقى ارەكەتتەردىڭ الدىن الىپ، جولاۋشىلار قايتارعان بيلەتتەردى "تەز قولعا تۇسىرۋگە" مۇمكىندىك بەرمەيدى", - دەلىنگەن ءباسپاسوز حابارلاماسىندا

تاريفتەر ەش وزگەرىسسىز قالادى. بىراق الىپساتارلار بيلەتتەردى قايتا ساتۋدان پايدا تۇسىرە المايدى، دەپ سەندىردى كومپانيا

سوڭعى جاڭالىقتار