3 ماۋسىم, 11:24 588 0 وقشانتاي Túrkistan Gazeti

 «شابىت» جاستار شەرۋى ءوتتى

تۇركىستانداعى ەسىم حان الاڭىندا 1 ماۋسىم – حالىقارالىق بالالاردى قورعاۋ كۇنىنە ارنالعان «شابىت» شەرۋى ءوتتى.

بالالار مەن جاستاردىڭ مۋزىكالىق وركەسترلەرى جانە انسامبلدەرىنىڭ ءۇشىنشى شەرۋىنە ساز، ونەر مەكتەپتەرى، كوللەدج ستۋدەنتتەرى مەن قالا مەكتەپتەرىنەن 3000-عا جۋىق وقۋشى قاتىستى.

تۇڭعىش پرەزيدەنت ن.نازارباەۆتىڭ «بولاشاققا باعدار: رۋحاني جاڭعىرۋ» ماقالاسىن جۇزەگە اسىرۋ باعىتىنداعى شارا ماقساتى – ءداستۇرلى ۇلتتىق تاربيەنى ۇلىقتاۋ، اتا مەن اجە ينستيتۋتىن دارىپتەۋ.

«بالالارىمىزدىڭ مەرەيى ۇستەم بولسا – مەملەكەتىمىزدىڭ مارتەبەسى قاشاندا بيىك»، – دەگەن وبلىس اكىمىنىڭ ورىنباسارى م.وتارباەۆ بالالارعا جەڭىس پەن باقىت تىلەيتىندىگىن جەتكىزدى. تۇركىستان وبلىسىنداعى بارلىق ءبىلىم بەرۋ ۇيىمدارىن بىرىكتىرەتىن اكتسيانىڭ ماڭىزدىلىعى وراسان ەكەندىگىن دە نازاردان تىس قالمادى.

شەرۋ جالعاسى كونتسەرتتىك باعدارلاماعا ۇلاستى. بالالىق شاق مەيرامىنا ەستە قالارلىقتاي كورىنىس بەرگەن كەشتى اتا-انالار، مادەنيەت پەن سپورت وكىلدەرى ەرەكشە ىقىلاسپەن تاماشالادى.

سوڭعى جاڭالىقتار