30 مامىر, 17:31 304 0 قوعام دينارا مىڭجاسارقىزى

«نۇرلى جەر»: 99 وتباسى پاتەر كىلتىنە يە بولدى

2019 جىلعى 30 مامىردا قوستاناي قالاسىندا قازاقستان يپوتەكالىق كومپانياسى كەزەكتە تۇرعاندارعا «نۇرلى جەر» مەملەكەتتىك تۇرعىن ءۇي قۇرىلىسى باعدارلاماسى اياسىندا «ساتىپ الۋ مۇمكىندىگىمەن جالعا بەرۋ» باعىتى بويىنشا جاڭا پاتەرلەردىڭ كىلتىن تاپسىردى.

99 پاتەرلىك توعىز قاباتتى جاڭا ءۇي «اۋەجاي» شاعىن اۋدانىندا ورنالاسقان. بارلىق پاتەرلەر كەزەكتە تۇرعاندارعا  ارلەنگەن جانە قونىستانۋعا دايىن كۇيىندە بەرىلەدى. سالتاناتقا «قازاقستان يپوتەكالىق كومپانياسى» يۇ» اق باسقارۋشى ديرەكتورى مۋحاتوۆ ارمان تيمۋرۇلى قاتىستى.

جالداۋ قۇنى 1 شارشى مەتر ءۇشىن ايىنا 784,11 تەڭگەنى قۇرايدى. پاتەر العاندار اراسىندا – كوپ بالالى وتباسىلار، مۇگەدەكتەر جانە مۇگەدەك بالالاردى تاربيەلەپ وتىرعان وتباسىلار، اتا-اناسىنىڭ قامقورلىعىنسىز قالعان جەتىم بالالار جانە حالىقتىڭ الەۋمەتتىك وسال توپتارىنا جاتاتىن باسقا دا ازاماتتار بار.

 «قازاقستان يپوتەكالىق كومپانياسى» يۇ» اق باسقارۋشى ديرەكتورى مۋحاتوۆ ارمان: «ساتىپ الۋ مۇمكىندىگىمەن جالعا بەرۋ» – بۇل ازاماتتاردىڭ ەڭ وسال توپتارى ءۇشىن تۇرعىن ءۇي ماسەلەسىن شەشۋ بولىپ تابىلادى. قالىپتاسقان جۇيەنىڭ اشىقتىعى تۇرعىن ءۇيدىڭ شىن مانىندە مۇقتاج ادامدارعا بەرىلۋىن كەپىلدەندىرەدى، ال باستاپقى جارنا مەن ارتىق تولەمنىڭ بولماۋى وتباسىلارعا قارجىلىق جۇكتەمەنى تومەندەتەدى»، - دەدى.

قوستانايلىق جاڭا قونىستانۋشىلارعا اۋەجاي ش.ا.، 5-ءۇي مەكەنجايى بويىنشا ءبىر بولمەلى - 29, ەكى بولمەلى – 50 جانە ءۇش بولمەلى - 20 پاتەر بەرىلدى. پاتەرلەردىڭ اۋدانى 36, 4 ش.م. باستاپ 69,2 شارشى مەترگە دەيىن بولدى. جاڭا تۇرعىندارعا كىلت تاپسىرۋ سالتاناتتى ءراسىمى ءداستۇرلى تۇردە جاڭا ءۇيدىڭ اۋلاسىندا وتكىزىلدى، ويتكەنى كومپانيا ءوز جالداۋشىلارى اراسىندا تاتۋ كورشىلىك ساياساتىن ىسكە اسىرادى.

جىل سوڭىنا دەيىن «ساتىپ الۋ مۇمكىندىگىمەن جالعا بەرۋ» باعىتى بويىنشا قوستانايدا جەرگىلىكتى اتقارۋشى ورگانداردا كەزەكتە تۇرعاندار اراسىندا تاعى 99 پاتەر ۇلەستىرىلەتىن بولادى. 2019 جىلعى ماۋسىم ايىندا «قازاقستان يپوتەكالىق كومپانياسى» يۇ» اق ورال ق. كەزەكتە تۇرعاندارعا 177 پاتەردىڭ كىلتىن تاپسىرادى.

باعدارلامانى ىسكە اسىرۋدىڭ تۇتاس كەزەڭىندە، 2015 جانە 2019 جىلدار ارالىعىندا، قازاقستان يپوتەكالىق كومپانياسى اتالمىش باعىت بويىنشا قر 21 قالاسى مەن 3 وبلىسىندا جالپى اۋدانى 1 073 340,60 ش.م. بولاتىن، جيىنتىعىندا 112 نىساندى (18 840 پاتەر) پايدالانۋعا بەردى.

سوڭعى جاڭالىقتار