30 مامىر 2019, 17:02 795 0 قاۋىپسىزدىك دينارا مىڭجاسارقىزى

  «الاياقتىققا وقتالعان» دەپ جاسالعان قيانات

دەن پروكۋراتۋرى
دەن پروكۋراتۋرى

                                                                 

                                                                      قازاقستان رەسپۋبليكاسىنىڭ

                                                                    پرەزيدەنتى

                                                                    قاسىم-جومارت توقاەۆقا          

اشىق حات

                            «الاياقتىققا وقتالعان» دەپ جاسالعان قيانات

                                      قۇرمەتتى   قاسىم-جومارت  كەمەلۇلى!

        قىزىلوردا قالالىق سوتىنىڭ 03.10.2013 جىلعى ۇكىمىمەن مەنىڭ بالامدى  بوزداقوۆ جولداس كاربوزوۆيچتى  قر قك-ءنىڭ 24-بابىنىڭ 3-بولىگىنىڭ، 177-بابىنىڭ 3-بولىگىنىڭ “گ” تارماعىمەن الاياققا وقتالعان دەپ سوتتادى، بۇنداي بابپەن قىلمىستىق جاۋاپكەرشىلىككە تارتۋ زاڭدا كوزدەلمەگەن،وسىعان وراي  الاياققا وقتالعان دەپ قر قك-ءنىڭ 24-بابىنىڭ 3-بولىگىنىڭ، 177-بابىنىڭ 3-بولىگىنىڭ “گ” تارماعىمەن قىلمىستىق ءىس قوزعاپ، تەرگەۋ امالدارى  جۇرگىزىلىپ، قىلمىستىق جاۋاپكەرشىككە  تارتۋ زاڭسىز بولىپ سانالادى.

        بىرىنشىدەن: قازاقستان رەسپۋبليكاسى جوعارعى سوتىنىڭ «الاياقتىق تۋرالى ىستەر بويىنشا سوت پراكتيكاسى تۋرالى» 29.06.2017  جىلعى  №6 نورماتيۆتىك قاۋلىسىنىڭ 21-تارماعىندا، وسى ادام قىلمىس جاساۋ ورنىندا اقشانى، باعالى قاعازداردى جانە باسقا دا ماتەريالدىق قۇندىلىقتاردى الۋ كەزىندە ۇستالعان  جاعدايدا جاسالعان ارەكەتتى الاياقتىققا وقتالۋ رەتىندە سارالاۋ كەرەك ەكەندىگى بەلگىلەنگەن. ال ءبىزدىڭ ارەكەتىمىزدە مۇنداي جاعداي بولعان ەمەس. اقشا العان ەمەسپىز، اقشانى ۇستاعان ەمەسپىز، تىپتە اقشانى سۇراعان ەمەسپىز.

         قىزىلوردا وبلىسىنىڭ  بۇرىنعى پروكۋرورى س. نۇرپەيسوۆ  قىزمەت بابىن پايدالانىپ زاڭدا كورسەتىلگەن ءمان-جايلاردى ىسىرىپ قويىپ، ادامنىڭ كونستيتۋتسيالىق قۇقىعىن  بۇزا وتىرىپ، زاڭدا كورسەتىلمەگەن باپتى تەرىس پايدالانۋ ارقىلى، قاساقانا جازىقسىز ادامدى قاماۋعا الىپ، قر قك-ءنىڭ 24-بابىنىڭ 3-بولىگىنىڭ، 177-بابىنىڭ 3-بولىگىنىڭ “گ” تارماعىمەن، «الاياقتىپەن وقتالعان» دەپ زاڭسىز شىعارىلعان ايىپتاۋ قورىتىندىسىنا بايلانىستى، سوت شەشىم  شىعارعان.  

         ەكىنشىدەن:   مەنىڭ بالام ج.بوزداقوۆتىڭ مىندەتىن تازا اتقارىپ، زاڭسىزدىققا مۇلدەم  جول بەرمەگەن، ياعني ج.بوزاقوۆتىڭ  قر قك-ءنىڭ 24-بابىنىڭ 3-بولىگىنىڭ، 177-بابىنىڭ 3-بولىگىنى ڭ “گ” تارماعىندا كورسەتىلگەن قىلمىستى جاساماعاندىعىن، № 13430003100041 قىلمىستىق ىستەگى 2013 جىلعى  04 شىلدەدەگى № 2786,  2013 جىلعى № 01 تامىزداعى  №4745 سوت-بەينەفونوگرافيالىك زەرتتەۋ  قورىتىندىلارىمەن  ج. بوزداقوۆتىڭ داۋىس پەن ءسوز ۇلگىلەرى تەڭدەستىرۋشىلىك زەرتتەۋ جۇرگىزىلىپ، جارامسىز جانە تىلدىك ماتەريالدارىنىڭ ازدىعىنان سايكەستىگىن انىقتاۋعا مۇمكىن ەمەس» دەگەن سوت تولىق دالەلدەنىپ تۇر.

        قىلمىستىڭ زاڭنامادا  جانە قر قك-ءنىڭ 177-بابىندا الاياقتىقتىڭ ۇعىمى ناقتى كورسەتىلگەن الاياقتىق، ياعني بوتەن مۇلىكتى ۇرلاۋ نەمەسە بوتەن مۇلىككە قۇقىقتى الداۋ نەمەسە سەنىمگە قيانات جاساۋ ارقىلى الۋ دەپ كورسەتىلگەن، ال الاياقتىق جاساۋعا وقتالۋ مۇلدەم كورسەتىلمەگەن.   قازاقستان رەسپۋبليكاسى جوعارعى سوتىنىڭ 2003 جىلعى 11 شىلدەدەگى №8 *بوتەننىڭ مۇلكىن زاڭسىز يەمدەنۋ جونىندەگى ىستەر بويىنشا سوت تاجىريبەسى  تۋرالى*نورماتيۆتىك قاۋلىسىنىڭ 19-تارماعىندا الاياقتىق كەزىندەگى الداۋ كورىنەۋ بولماعان فاكتىلەردى بولدى دەپ جالعان مالىمدەۋدەن نە ءىستىڭ ءمان-جايلارى بويىنشا  مەنشىك يەسىنە نە مۇلىك يەسىنە حابارلانۋعا ءتيىستى فاكتىلەردى جاسىرۋدان كورىنۋى مۇمكىن دەلىنگەن. الاياقتىق قىلمىستارى مىندەتتى تۇردە اياقتالعان بولۋعا ءتيىستى، ال الاياقتىققا وقتالۋ قىلمىستىق زاڭنامادا مۇلدەم كورسەتىلمەگەن، ياعني، مەنىڭ ج.بوزداقوۆتىڭ ارەكەتىمدى قازاقستان رەسپۋبليكاسىنىڭ قىلمىستىق زاڭناماسىندا مۇلدەم كورسەتىلمەگەن.

        مۇنداي زاڭسىزدىقتى قر جوعارعى سوت توراعاسى اسانوۆ ج.ق ءوزىنىڭ جاساپ جاتقان سوت رەفورماسى كەزىندە قىزىلوردا وبلىسىنىڭ بۇرىنعى پروكۋرورى س.نۇرپيەسوۆتىڭ جىبەرگەن ورەسكۇل قاتەسىن  باس پروكۋراتۋرانىڭ ورىنباسارى بولىپ قىزمەت اتقارعان كەزدەن بەرى تارتىپكە سالۋدىڭ ورنىنا، جوعارعى سوت توراعاسسى قىزمەتىنە تاعايىندالعاننان كەيىن دە مەنىڭ جازعان ارىزىما بايلانىستى زاڭسىزدىق ودان ارى قاراي ۇدەپ  ءبىر جولا زاڭسىزدىق جالعاستى، وتكەنى اسانوۆ مەنىڭ بالامنىڭ ءىسىن جاقسى بىلەدى باس پروكۋراتۋرانىڭ ورىنباسارى كەزىندە زاڭدى ءىستى دۇرىس قاراماي تەكسەرمەي جاۋىپ تاستاعان، مىنە  قر جوعارعى سوت توراعاسى ج.اسانوۆتىڭ رەفورماسى وسىلاي جالعاسىن تابۋدا. مەنىڭ بالامدى الاياققا وقتالعان دەپ كىناعا تارتىپ تۇرمەگە زاڭسىز قاماعان وسى نۇرپەيسوۆ ساپاربەك بولاتىن. كازىرگى كەزدە نۇرپەيسوۆ ساپاربەك باس پروكۋراتۋرادا  قىزمەت اتقاردى(گەنەرال مايور) . مىنە نۇرپەيسوۆ ساپاربەكتىڭ ىستەگەن زاڭسىز ارەكەتىن نە سەبەبتى اشكەرەلەمەي وتىر اسانوۆ، نە سەبەبتى مەنىڭ ارىزىما نەمقۇرايلى قاراپ زاڭدى تۇردە قاراماي ، ىسىرىپ تاستاپ وتىر.  وتكەنى باسقا دالەلدى ەشتەمە جوق،ونى اسانوۆ. ج  جاقسى بىلەدى. كەرەك دەسەڭىز وسى ءىس ءۇشىن پرەزيدەنت اكىمشىلىگىنىڭ دە،سەناتتىڭ دا ايتقانىن قىلماي وتىر اسانوۆ.بۇل جونىندە پرەزيدەنت اكىمشىلىگىنە سەناتقا جازعان حاتتارىم بار.

        جاقىندا مەن قازاقستان رەسپۋبليكاسىنىڭ باس پروكۋراتۋراسىنا، ارىز جازعانمىن  باس پروكۋراتۋرانىڭ 04.02.2019 №2-011203-19-06385  تىكىلەي تاپسىرماسىمەن وسى قىلمىستىق ءىستى تەكسەرۋگە قىزىلوردا وبلىستىق پروكۋراتۋراسىنا تاپسىرىلدى. ال وبلىستىق پروكۋراتۋرا قىزىلوردا قالاسىنىڭ پروكۋرورى ا بەكمۋحانوۆقا وسى ءىستى تولىق تەكسەرىپ شىعۋدى تاپسىردى. قىزىلوردا قالاسىنىڭ پروكۋرورى ا.بەكمۋحانوۆ تەكسەرىپ ج. بوزداقوۆتى اقتاۋ كەرەك دەپ ارنايى قاتىناس حات دايىنداعان.

         بىراق باس پروكۋراتۋرا وسى قالالىق پروكۋراتۋرانىڭ تەكسەرۋ قورتىندىسىنا اسا ءمان بەرمەي ج بوزداقوۆتى اقتاۋ جونىندە زاڭ تالابىنا ساي كەلىپ تۇرسا دا ورىنداماستان وتىر. وسى شەشىمگە  بايلانىستى جوعارعى سوت بيلىگى ناقتى شەشىم قابىلداۋعا ءتيىستى دەپ سەنىم ارتامىن، الايدا قازاقستان رەسپۋبليكاسىنىڭ جوعارعى سوت توراعاسى ج. اسانوۆ وسى كۇنگى دەيىن ەشقانداي شەشىم قابىلداماستان كەلەدى.

    جوعارعى سوت توراعاسى اسانوۆتىڭ وسى كۇنگە دەيىن ىستەپ وتىرعان ادام ايتقىسىز زاڭسىزدىعىن  پرەزيدەنت قاسىم-جومارت  توقاەۆ زاڭدىلىققا كەلتىرەدى دەپ سەنەمىز.

         جوعارىدا كورسەتىلگەندەردىڭ نەگىزىندە    

                                                          سۇرايمىن:

       قر قك-ءنىڭ 24 -بابىنىڭ 3 -بولىگى ارقىلى 177- بابىنىڭ 3- بولىگىنىڭ «گ» تارماعىمەن  (1997 ج رەداكتسياداعى ) سوتتالعان بوزداقوۆ جولداس كاربوزوۆيچتى  قر قپك ءنىڭ 35 -بابىنىڭ 1- بولىگىنىڭ   2) تارماعىنا سايكەس،ونىڭ ءىس ارەكەتىندە  قىلمىستىق قۇقىق بۇزۋشىلىقتىڭ قۇرامى بولماۋىنا بايلانىستى قىزىلوردا قالالىق سوتىنىڭ 03.10.2013 جىلعى ۇكىمىنىڭ كۇشىن جويىپ، بوزداقوۆ جولداستى اقتاۋ  جونىندە قىلمىستىق ءىستى توقتاتۋدى.

تىركەلدى; قىزىلوردا قالاسىنىڭ پروكۋراتۋراسىنىڭ 03.02.2019 №2-10-19-00700 ساندى حاتى.

  1. 05 2019 جىل ك بوزداقوۆ

 

سوڭعى جاڭالىقتار