30 مامىر 2019, 16:37 849 0 ونەر دينارا مىڭجاسارقىزى

«ۇلى دالا – كوشپەندىلەر الەمى» حالىقارالىق ەتنو-مادەني فەستيۆالى شاقىرادى

قۇرمەتتى، الماتىلىقتار جانە قالا قوناقتارى! سىزدەردى 2019 جىلدىڭ 7,8 ماۋسىم كۇندەرى بورالداي ساق قورعاندارىندا وتەتىن «ۇلى دالا - كوشپەندىلەر الەمى» حالىقارالىق ەتنو-مادەني فەستيۆالىن تاماشالاۋعا شاقىرامىز.

شارانىڭ باستى ماقساتى – قازاقستاندىقتار مەن شەتەلدىك قوناقتارعا كوشپەندىلەر مادەنيەتىن، ەجەلگى تاريحى مەن سالت-ءداستۇرىن كورسەتۋ. بيىلعى فەستيۆالدىڭ ايىرماشىلىعى، الىپتار اراسىندا كۇش سىناسۋ سايىسى وتەدى. گيننەستىڭ رەكوردتار كىتابىنا ەنگەن سەرگەي تسىرۋلنيكوۆتىڭ توبى الىپتار شوۋىن ۇسىنادى. ال كورەرمەندەر اراسىندا ۆيكتورينالىق ويىندار ۇيىمداستىرىلىپ، ۇلتتىق تاعامداردى ازىرلەۋ جانە قولونەر بويىنشا قىزىقتى شەبەرلىك ساباقتارى وتەدى.

فەستيۆالعا ماجارستان، موڭعوليا، باشقۇرتستان، تىۆا، ۋكراينا، داعىستان، قالماق رەسپۋبليكاسى،تاۋلى التاي،  وزبەكستان، ياكۋتيا، بۋرياتيا، ساحا رەسپۋبليكاسى جانە قىرعىزستان سىندى 18 ەلدەن جينالعان ەڭ مىقتى ەتنومۋزىكانتتار مەن سپورتشىلار قاتىسادى.

فەستيۆال اياسىندا: 

  • 40 كيىز ءۇي، ابىلايشا جانە قوستار تىگىلىپ، التىباقاندار قۇرىلادى;
  • 18 مەملەكەتتەن ەڭ مىقتى ەتنو مۋزىكانتتار مەن سپورتشىلار قاتىسادى;
  • ەتنو اۋىلدا: تۇيە باۋ، بيە باۋدى كورىپ، قىمىز تۇرلەرىنەن ءدام تاتىپ، تاس ديىرمەن تارتىپ، كەلى ءتۇيىپ كورۋگە بولادى;
  • ات ويىندارى ايماعىندا: بايگە، كوكپار، اۋدارىسپاق، قىز قۋ، تەڭگە ءىلۋ، جامبى اتۋ ويىندارى ت.ب. بولادى;
  • ساداقشىلار ايماعىندا: قازاقستان، باشقۇرتستان، ۋكراينا، داعىستان، مونعوليا، قىرعىزستان، ساحا، قالمىق رەسپۋبليكاسىنىڭ جانە ت.ب. ەلدەر ساداقشىلارىنىڭ سايىسى  وتەدى;
  • اساۋ ۇيرەتۋشىلەر ايماعىندا: اساۋعا قۇرىق سالۋ، اساۋدى ۇيرەتىپ ءمىنۋ كورسەتىلەدى;
  • الىپتار ايماعىندا: قازاقستاننىڭ 7 دۇركىن، الەمنىڭ 2 دۇركىن چەمپيونى جانە 2 دۇركىن گيننەستىڭ رەكوردتار كىتابىنا ەنگەن سەرگەي تسىرۋلنيكوۆتىڭ باستاۋىمەن ءبىر توپ الىپ، شوۋ باعدارلامالار كورسەتىپ، كورەرمەن ءۇشىن شەبەرلىك ساباقتارى مەن جارىستار وتكىزەدى (كۇش سىناسۋ، جالاڭاش قولمەن شەگە قاعۋ، تەمىر مايىستىرۋ ت.ب);

  • شەبەرلەر ايماعىندا: ءجۇن ساباۋ، ۇرشىق ءيىرۋ، كيىز، تەكەمەت باسۋ، الاشا، كىلەم، شي، كەستە توقۋ، زەرگەرلىك ت.ب. بۇيىمدار جاساۋ كورسەتىلىپ، كوپشىلىك ءۇشىن شەبەرلىك ساباقتارى وتەدى;
  • ۇستالار ايماعىندا: قىش-قۇمىرا جاساۋ، اعاش، تەمىر ت.ب. ۇستالاردىڭ ونەرى مەن كوپشىلىك ءۇشىن شەبەرلىك ساباقتارى قاراستىلعان;

 

  • جاستار ايماعىندا: التىباقان، ويىن-ساۋىق، قىزبەن جىگىت ايتىسى، قولكۇرەس، ارقان تارتىس، ۇلتتىق ويىندار، اتقا ءمىنىپ سەرۋەندەۋ ت.ب. قىزىقتار بولادى;
  • بالالار ايماعىندا: اتتراكتسيوندار، بالالار كيىز ءۇيى، ۇلتتىق ويىندار، قۋىرشاق تەاترى، قولونەر، سۋرەت سالۋ ت.ب;
  • قۇسبەگىلەر مەن ساياتشىلار ايماعىندا: بۇركىت، يتەلگى، قارشىعا ۇشىرۋ، قۇماي-تازىنى اڭعا سالۋ ت.ب;
  • كوشپەندى تاعامدارى ايماعى: شوققا پىسكەن تابا نان، قازان قارما، بالقۋىرداق، ءاسىپ، نارىن، بۇرمەقارىن، ۇلپەرشەك، جاۋجۇرەك، بالقايماق باۋىرساق، قۇرت، ىرىمشىك، قىمىز تۇرلەرى، شۇبات، سۋسىن كوجەلەردەن ءدام تاتاسىز. سونداي-اق، ۇمىلىتىپ بارا جاتقان ۇلتتىق تاعامداردى جاساپ ۇيرەتۋدىڭ شەبەرلىك ساباقتارى مەن كورمە ۇيىمداستىرىلادى;

 

  • شوۋ-كورىنىستەر ايماعى:

ا) ساياتشىلاردىڭ شوۋ باعدارلامالارى;

ءا) الىپتاردىڭ شوۋ باعدارلامالارى;

ب) ءار مەملەكەت ونەرپازدارىنىڭ شوۋ باعدارلامالارى جانە ت.ب.

 

بۇل ءسىز بەن ءبىزدىڭ تاريحىمىز!

فەستيۆالگە كىرۋ تەگىن

«بورالداي ساق قورعاندارى» ارحەولوگيالىق ساياباعىنداعى فەستيۆال ايماعىنا ارنايى اۆتوبۋستار ساعات 9.00-دەن باستاپ كەلەسى ايالدامالاردان جۇرەدى:

 

  1. اباي داڭعىلى - بايتۇرسىنۇلى كوش. قيىلىسى (ساتباەۆ پەن اباي كوشەلەرىنىڭ ورتاسىندا);
  2. ن. ساتس اتىنداعى بالالار مەن جاسوسپىرىمدەر تەاترى

(شالياپين ك-ءسى، 22, تەاتر الدىندا);

  1. «الاتاۋ» ءداستۇرلى-ونەر تەاترى (نۇركەنت شاعىن اۋد.، 6 تەاتر الدىندا);
  2. «الماتى - 1» تەمىرجول ۆوكزالى (اۆتوبۋستار ايالداماسىنان)

بيلەت باعاسى: 100 تگ. WhatsApp: 87016888486

سوڭعى جاڭالىقتار