24 مامىر 2019, 18:58 714 0 سىرتقى ساياسات اسەل انۋاربەك

ترامپ اكىمشىلىگىن سوتقا بەردى

كاليفورنيا شتاتىنىڭ بيلىگى مەن تەمىرجول باسقارماسى اقش پرەزيدەنتى دونالد ترامپتىڭ اكىمشىلىگىن سوتقا بەردى، دەپ حابارلايدى
24.kz ارناسى.

ارنانىڭ حابارلاۋىنشا، فەدەرالدى كولىك مينيسترلىگى جوعارى جىلدامدىقتى ماگيسترال سالۋعا ءبىر ميلليارد دوللار ءبولۋ تۋرالى شەشىمنىڭ كۇشىن جويعان. ولاردىڭ ايتۋىنشا كاليفورنيا شتاتى جوبانىڭ قۇنىن كۇن سايىن كوتەرىپ، قۇرىلىستى شالا جۇرگىزىپ وتىر. ال، شتات بيلىگى بولسا بولىنگەن قارجىعا ۆاشينگتوننىڭ ارالاساتىن قۇقىعى جوقتىعىن ايتادى.

ايتا كەتەيىك، داۋ تۋدىرعان قاراجاتتى ءبولۋ تۋرالى شەشىم 2010-شى جىلى باراك وباما بيلىكتە بولعاندا قابىلدانعان. جۇردەك پويىزعا ارنالعان جول لوس-اندجەلەس پەن سان-فرانتسيسكونىڭ اراسىن جالعاۋى كەرەك بولاتىن. سوڭعى كەزدەرى جوبانىڭ شىعىنى كوبەيىپ، اياقتالۋ مەرزىمى ۇزارىپ كەتكەن.

سوڭعى جاڭالىقتار