24 مامىر, 17:07 442 0 ايماق "تۇركىستان" گازەتىنىڭ اۆتورلارى

اقتوبەنىڭ 150 جىلدىعى اياسىندا قايىرىمدىلىق اۋكتسيون ءوتتى

اقتوبە قالاسىنىڭ 150 جىلدىق مەرەيتويىنا وراي «ونەر ورتالىعىندا» «جۇرەكتەن جۇرەككە» اتتى قايىرىمدىلىق اۋكتسيون-كونتسەرتى ءوتتى.

وعان اقتوبە قالاسىنىڭ اكىمى ءىلياس يسپانوۆ قاتىستى.

اتا-اناسىنىڭ قامقورلىعىنسىز قالعان بالالارعا الەۋمەتتىك-پاتروناتتىق قولداۋ كورسەتۋدى ماقسات ەتكەن شارادا ءوڭىردىڭ تانىمال انشىلەرى مەن مادەنيەت مايتالماندارى ونەر كورسەتىپ، ءوز ۇلەستەرىن قوستى. قايىرىمدىلىق كونتسەرتتەن جانە وتكىزىلگەن اۋكتسيوننان تۇسكەن قاراجات يەلەرىنە سەرتيفيكاتتار تاپسىرىلدى. ال، جەتىم بالالارعا مەيىرىمدىلىك كورسەتىپ، دەمەۋشىلىك تانىتقان ازاماتتار العىس حاتتارمەن ماراپاتتالدى.

«2016 جىلدان باستاپ اتا-اناسىنىڭ قامقورىنسىز قالعان بالالاردى تۇرعىن ۇيمەن قامتاماسىز ەتۋ ءۇشىن وبلىس جانە قالا باسشىلىعى وتكىزەتىن ارنايى اكتسيامىز ءجۇرىپ جاتىر. وعان جەتىستىككە جەتكەن اقتوبەلىكتەر، بيزنەسمەندەر قاتىسۋدا جانە ولارعا كومەكتەسۋگە مۇمكىندىگى بار. وسى ۋاقىت ىشىندە بالالارعا 38 ميلليون تەڭگە جينالدى. 120-دان استام بالا ءوز پاتەرلەرىندە تۇرىپ جاتىر. سىزدەرگە دە وسىنداي كومەكتەرىڭىز ءۇشىن العىسىمدى بىلدىرەمىن", - دەدى ءىلياس يسپانوۆ كوپشىلىككە.

ايتا كەتەيىك، جىل باسىنان بەرى وڭىردە كوپتەگەن قايىرىمدىلىق ءىس-شارالارى ءوتتى. اقتوبە وبلىسى اكىمىنىڭ تاپسىرماسىمەن قالادا جەتىم جانە اتا-اناسىنىڭ قامقورلىعىنسىز قالعان بالالاردى قولداۋ بويىنشا كەشەندى جۇمىستار جۇزەگە اسىرىلۋدا. قالا اكىمدىگى دە وسىنداي مۇقتاج جەتكىنشەكتەرگە قولداۋ كورسەتۋدە ءاردايىم بەلسەندىلىك تانىتادى. ماسەلەن، قالا اكىمى ءىلياس يسپانوۆتان باستاپ، ءبولىم باسشىلارى مەن ولاردىڭ ورىنباسارلارىنا، قالالىق ءماسليحات دەپۋتاتتارىنا، ۆەدومستۆولىق باعىنىستاعى كاسىپورىندارعا جەتىم بالالار بەكىتىلگەن. ولار «تۇرعىن ءۇي قۇرىلىس جيناق بانكى» اق-دا اشىلعان سول بالالاردىڭ جەكە شوتتارىنا اي سايىن جالاقىلارى ەسەبىنەن قاراجات سالىپ وتىرادى.

اسحات رايقۇل

تەگتەر اقتوبە

سوڭعى جاڭالىقتار