24 مامىر, 17:05 224 0 ىشكى ساياسات "تۇركىستان" گازەتىنىڭ اۆتورلارى

سايلاۋشىلار تىزىمىنە 12 ملن-عا جۋىق قازاقستاندىق ەنگىزىلدى

الداعى 9 ماۋسىمدا وتەتىن كەزەكتەن تىس پرەزيدەنت سايلاۋىندا داۋىس بەرۋشىلەر تىزىمىنە 12 ملن-عا جۋىق قازاقستاندىق ەنگىزىلدى. بۇل تۋرالى وسك توراعاسىنىڭ ورىنباسارى كونستانتين پەتروۆ مالىمدەدى.

25 مامىردان ءاربىر سايلاۋشى ءوزىنىڭ تىزىمدە بار-جوعىن تەكسەرە الادى.

 – ازاماتتاردىڭ تىركەلگەن جەرلەرىندە جاساقتالعان سايلاۋ ۋچاسكەلەرىنەن اكىمدەردىڭ قولى قويىلعان 11 947 995 سايلاۋشىنىڭ ءتىزىمى بەرىلدى، - دەدى ءباسپاسوز جيىنىندا پەتروۆ.

ونىڭ ايتۋىنشا، 25 مامىردان باستاپ بۇل تىزىمدەرمەن ءاربىر سايلاۋشى تانىسا الادى، اركىم ءوزىنىڭ تىزىمدە بار-جوعىن تەكسەرە الادى.

– ازاماتتار كەلىپ جاتسا، بۇل ءتىزىم ءالى دە وزگەرۋى مۇمكىن. تىزىمدە جوقتار سايلاۋ كۇنىنە دەيىن وزدەرىن تىزىمگە قوستىرا الادى، – دەپ ناقتىلادى وسك توراعاسىنىڭ ورىنباسارى.

ال شەتەلدەگى داۋىس بەرۋشىلەر ءتىزىمى سايلاۋ كۇنى جاقىنداعاندا جاسالادى.

– شەتەلدەگىلەر ءۇشىن سايلاۋشىلار ءتىزىمى سايلاۋعا بەس كۇن قالعاندا جاسالادى. شەت ەلدەردە 560 ۋچاستوك بار، ونداعى تىزىمدەر ءالى جاسالمادى، – دەدى پەتروۆ.

رىسبەك اراپحانۇلى

تەگتەر سايلاۋ

سوڭعى جاڭالىقتار