23 مامىر, 16:17 188 0 ايماق "تۇركىستان" گازەتىنىڭ اۆتورلارى

ماڭعىستاۋدا قارقىندى جۇزەگە اسقان جوبا

 

ماڭعىستاۋ وبلىسىنىڭ اكىمى ەرالى توعجانوۆتىڭ ايتۋىنشا، پرەزيدەنتتىڭ بەس الەۋمەتتىك باستاماسى جوباسىن جۇزەگە اسىرۋ ماقساتىندا، ماڭعىستاۋدا ناقتى مىندەتتەر ايقىندالعان. ءبىرىنشى باستاماعا سايكەس، ءار وتباسىنا باسپانا الۋدىڭ جاڭا مۇمكىندىكتەرىن بەرۋ قاراستىرىلعان. مەملەكەتتىك باعدارلامالار مەن جەكە ينۆەستيتسيالاردى تارتۋ ناتيجەسىندە وبلىستا تۇرعىن ءۇي سالۋ جانە پايدالانۋعا بەرۋ قارقىندى جۇرۋدە.

2018 جىلدىڭ وزىندە 18 پايىز وسىممەن 833 مىڭ شارشى مەتر تۇرعىن ءۇي پايدالانۋعا بەرىلىپ، 7 مىڭ وتباسى باسپانالى بولعان. ال 2018 جىلدىڭ جوسپارىنا سايكەس، 916 مىڭ شارشى مەتر تۇرعىن ءۇي پايدالانۋعا بەرىلدى. ەسەپكە سايكەس، تۇرعىن-ءۇيدى پايدالانۋعا بەرۋدىڭ جىل سايىن 10 پايىز ءوسىمىن قامتاماسىز ەتە وتىرىپ 2025 جىلعا دەيىن وبلىستىڭ ءاربىر تۇرعىنى 30 شارشى مەتر باسپانامەن قامتىلاتىن بولادى.

ەكىنشى باستاما – جالاقىسى تومەن جۇمىسشىلاردىڭ ەڭبەك اقىسىن كوبەيتۋ ءۇشىن ولاردىڭ سالىقتىق جۇكتەمەسىن ازايتۋ. سالىستىرمالى تۇردە تومەن جالاقى (25 ەسە ايلىق ەسەپتىك كورسەتكىشتەن تومەن – 60 125 تەڭگە) الاتىن قازاقستاندىقتاردى قولداۋ ءۇشىن 2019 جىلدىڭ 1 قاڭتارىنان باستاپ ولاردىڭ سالىق جۇكتەمەسى 10 ەسەگە ازايتىپ، 1 پايىز عانا بولادى.

«وبلىس بويىنشا، 250 مىڭ جالدامالى قىزمەتكەرلەردىڭ ىشىندە 22 مىڭنان استام ادام وسىنداي تومەن جالاقى الادى. سالىقتىق جۇكتەمەسىنىڭ ازايۋى ارقىلى 22 مىڭ قىزمەتكەردىڭ جەكە كىرىسى جىلىنا ورتا ەسەپپەن بارلىعى 800 ملن.تەڭگەگە كوبەيمەك»، – دەدى ەرالى توعجانوۆ.

ءۇشىنشى باستاما: جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ، ستۋدەنت جاستاردىڭ جاتاقحاناداعى جاعدايىن جاقسارتۋدى كوزدەيدى. وتكەن جىلى وبلىستا 215 گرانت، ونىڭ ىشىندە 50 گرانت ءوڭىر ەكونوميكاسىنا قاجەتتى مامانداردى دايىنداۋعا ءبولىندى. تسيفروۆيزاتسيا ەنگىزىلۋىنە بايلانىستى، ەلباسى ينفورماتسيالىق تەحنولوگيانى مەڭگەرگەن مامانداردى كوبەيتۋ قاجەتتىگىن اتاپ كورسەتتى. وسىعان بايلانىستى بيىل تاعى دا قوسىمشا 50 گرانت جانە تەحنيكالىق ماماندىقتار بويىنشا ماگيستراتۋرادا وقىتۋعا 20 گرانت بولىنەدى.

ءتورتىنشى باستاما بولسا شاعىن نەسيە بەرۋدى كوبەيتۋگە باعىتتالىپ وتىر. ەلباسى باستاماسىن ىسكە اسىرۋ ماقساتىندا ماڭعىستاۋ وبلىسىندا كاسىپكەرلەرگە 1 پايىز-دىق نەسيە ۇسىناتىن «نۇر كاپيتال» باعدارلاماسى ىسكە قوسىلدى. بۇگىنگى تاڭدا 200-گە جۋىق بيزنەس وتىنىمدەر قابىلداندى، ونىڭ ىشىندە مال شارۋاشىلىعى – 35%، وڭدەۋ جانە جەڭىل ونەركاسىپ – 22%، تۋريزم – 16%، ترانسپورت – 8%، ەگىن شارۋاشىلىعى – 5%، دەنساۋلىق – 5%، ءبىلىم – 3%، قىزمەت – 3%، ساۋدا – 1%، ينۆەستيتسيا – 0,3%، ونەر، ويىن-ساۋىق – 0,1% قۇرايدى. سونىمەن قاتار، «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسى بويىنشا بيىل 1,8 ملرد تەڭگە شاعىن نەسيە ءبولۋ جوسپارلاندى (2016 جىلمەن سالىستىرعاندا 2,5 ەسەگە كوپ، 2016 جىل – 724 ملن تەڭگە).

بەسىنشى باستاما – ەلدى گازبەن قامتاماسىز ەتۋدى جالعاستىرۋ.وبلىستا بارلىق ەلدى مەكەندەر گازبەن قامتىلدى (99,8 %). كۇن تارتىبىندە تەك 8 ەلدى مەكەندى (قاراقيا 4 اۋىل، 42 ءۇي 234 ادام، ماڭعىستاۋ 4 اۋىل، 91 ءۇي 607 ادام) گازداندىرۋ ماسەلەسى تۇر. ولاردىڭ ماگيسترالدى جەلىلەردەن قاشىق ورنالاسۋىنا جانە ەكونوميكالىق تيىمسىزدىگىنە بايلانىستى، بولاشاقتا كەزەڭ-كەزەڭمەن «قازترانسگازايماق» كومپانياسىنىڭ ينۆەستيتسيالىق باعدارلامالارى اياسىندا شەشۋ جوسپاردا. قازىرگى تاڭدا جاڭادان تۇرعىن ۇيلەر سالىناتىن جەر تەلىمدەرىن گازبەن قامتۋ جۇمىستارى جۇرگىزىلۋدە. بۇل جۇمىستارعا بيۋدجەت قارجىسىنان بولەك «قازترانسگازايماق» اق-دا قارجىسى تارتىلۋدا. كومپانيا وسى جىلى بەينەۋ، تۇپقاراعان، مۇنايلى اۋداندارىندا گازداندىرۋ بويىنشا قۇنى 1,2 ملرد تەڭگە بولاتىن 9 جوبانى ىسكە اسىراتىن بولادى. جالپى وڭىرىمىزدە ەلدى مەكەندەردى گازداندىرۋ بويىنشا وزەكتى ماسەلە جوق دەدى ءوز پىكىرىندە ماڭعىستاۋ وبلىسىنىڭ اكىمى ەرالى توعجانوۆ.

 

 جانىبەك ءاشىم

سوڭعى جاڭالىقتار