23 مامىر, 14:33 534 0 بىلگەنگە مارجان "تۇركىستان" گازەتىنىڭ اۆتورلارى

الماتى اكىمى جاڭا جوبا جايىندا ايتتى

نۇرسۇلتان مەن الماتىدا بالالار ءۇشىن "ۋولت ديسنەي" ستۋدياسىنىڭ قازاقشا دۋبلياجدالعان "الاددين" ءفيلمىنىڭ قايىرىمدىلىق كورسەتىلىمى ۇيىمداستىرىلدى. بۇل تۋرالى الماتى اكىمى باۋىرجان بايبەك Instagram جەلىسىندەگى پاراقشاسىندا جازدى.

"بۇل پرەزيدەنتتىك "بولاشاق" ستيپەندياسى تۇلەكتەرى قۇرعان وسى اتتاس قايىرىمدىلىق قور ءۇشىن 29 كينوكارتينا. 8 جىل بۇرىن ءبىز بالالار مەن جاستار اراسىندا مەملەكەتتىك ءتىلدىڭ قانات جايۋىنا، قازاق تىلىندە ساپالى جانە باسەكەگە قابىلەتتى كونتەنت قالىپتاستىرۋعا بەلسەندى تۇردە كومەكتەسە باستادىق. ⠀

دۋبلياج بويىنشا العاشقى جوباعا كەزىندە ەلباسى نۇرسۇلتان ءابىشۇلى نازارباەۆ باتاسىن بەرگەن. بۇگىنگى كۇنى "وزىڭنەن باستا" الەۋمەتتىك جوباسى كورەرمەندەردىڭ دە، سونىمەن قاتار قارجىلاي قولداۋىنسىز بۇل جوبانىڭ ىسكە اسۋى مۇمكىن ەمەس ەل بيزنەسىنىڭ دە جۇرەگىنەن ايشىقتى ورىن الدى", - دەپ جازدى بايبەك.

ونىڭ ايتۋىنشا، قوردىڭ تاعى ءبىر ماڭىزدى باعىتى ء"اربىر بالا مەكتەپكە لايىق" جوباسى. ءبىز قازاقستاننىڭ 9 قالاسىندا ينكليۋزيۆتى قولداۋعا باعىتتالعان 20 كابينەت اشتىق. جاڭا وقۋ جىلىندا تاعى دا وسىنشاما كابينەت اشىلاتىن بولادى. "اۋتيزمگە جانە باسقا دا مەنتالدى اۋىتقۋشىلىقتارگا شالدىققان 250 بالا كۇن سايىن مەكتەپكە بارۋ مۇمكىندىگىنە يە بولدى. 1200-گە جۋىق وتباسىعا كەڭەس بەرىلدى. 800-دەن استام مامان ارنايى وقۋدان ءوتتى. قولدانىستاعى زاڭناماعا 60-تان استام وزگەرىس ەنگىزىلدى. ⠀ ءبىزدىڭ باستامالارىمىزعا قولداۋ بىلدىرگەن بارلىق ازاماتتارعا ۇلكەن العىس ايتامىز. تەك بىرىگىپ قانا ءبىز ەلىمىزدى ودان ارi دامىتا الامىز!", - دەپ جازدى الماتى اكىمى.

كارىمحان قالي

سوڭعى جاڭالىقتار