23 مامىر, 13:44 197 0 ىشكى ساياسات Turkystan Support

ۇگىت-ناسيحات جۇمىستارىنىڭ مەرزىمى

11 مامىردا قازاقستاندا كەزەكتەن تىس پرەزيدەنتتىك سايلاۋ الدىنداعى ۇگىت-ناسيحات جۇمىستارى باستالعانى ءمالىم. سايلاۋالدى ۇگىت ناسيحات ناۋقانى 8 ماۋسىمعا دەيىن جالعاسادى. 8 ماۋسىم كۇنى ۇگىت-ناسيحات توقتاتىلادى. 9 ماۋسىمدا تاڭەرتەگى ساعات 07.00-دەن كەشكى ساعات 20.00-گە دەيىن سايلاۋ ۋچاسكەلەرىندە سايلاۋشىلار داۋىس بەرەدى. داۋىستاردى ساناۋ ۋاقىتى 12 ساعاتتان اسپايدى.

كانديداتتاردىڭ  بيۋللەتەندەگى   رەتتىك  ءنومىرى

ورتالىق سايلاۋ كوميسسياسى پرەزيدەنت سايلاۋىندا داۋىس بەرۋگە ارنالعان بيۋللەتەن ءماتىنىن بەكىتتى. قازاقستان پرەزيدەنتتىگىنە كانديداتتاردىڭ سايلاۋ بيۋللەتەنىندەگى رەتتىك ءنومىرى بەلگىلى بولدى. سايلاۋ بيۋللەتەنىندە پرەزيدەنتتىككە ۇمىتكەردىڭ تەگى، اتى، اكەسىنىڭ ەسىمى الفاۆيت تارتىبىمەن جازىلادى. سونىمەن، سايلاۋ بيۋللەتەنىندە كانديداتتاردىڭ ورنالاسۋى بىلاي بولاتىن بولدى:

احمەتبەكوۆ جامبىل

ەسپاەۆا ءدانيا

قوسانوۆ ءامىرجان

راحىمبەكوۆ تولەۋتاي

تاسپيحوۆ امانكەلدى

توقاەۆ قاسىم-جومارت

تۇگەل سادىبەك

9 ماۋسىمعا تاعايىندالعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا سايلاۋ 12 067 475 دانا بيۋللەتەنىن دايىنداۋعا 132 742 225 ملن تەڭگە جۇمسالدى. بۇل تۋرالى قر ورتالىق سايلاۋ كوميسسياسىنىڭ حاتشىسى ءسابيلا مۇستافينا حابارلادى.

«ورتالىق سايلاۋ كوميسسياسى سايلاۋ بيۋللەتەندەرىن جاساۋ ءۇشىن «جارىق كو» سەرىكتەستىگىمەن كەلىسىمشارت جاساسۋ تۋرالى شەشىم قابىلدادى. ءبىز اتالعان سەرىكتەستىكتەن ءبىر بيۋللەتەندى جاساۋ قۇنىن 11 تەڭگە مولشەرىندە ۇسىنىس الدىق. قورعالۋىندا ەكى جاعىندا دا تانگير تورشاسى، ايرىقشا ەلتاڭبا بەينەسى، بيۋللەتەن ءماتىنى بويىنشا وزگە دە ەلەمەنتتەردىڭ ايرىقشا بەينەسى بار»، – دەدى س.مۇستافينا. اتالعان تيپوگرافيادان بيۋللەتەندەردىڭ باسىلىپ شىعۋى جانە وراماعا سالىنۋى مەملەكەت تاراپىنان باستان-اياق قاداعالاناتىن بولادى. «ورتالىق سايلاۋ كوميسسياسىنىڭ ارنايى بايلانىسپەن جاسالعان كەلىسىمشارتى بار. ول بيۋللەتەندەردى اۋماقتىق سايلاۋ ۋچاسكەلەرىنە دەيىن جەتكىزەتىن اسكەريلەندىرىلگەن كۇزەت. ءبىز قاۋلى قابىلدادىق جانە ەندى بيۋللەتەندەردى باسىپ شىعارۋعا كىرىسە الامىز»، – وسك حاتشىسى.

سايلاۋ بيۋللەتەندەرى رەسپۋبليكالىق، وبلىستىق ماڭىزى بار قالالارعا 8 ماۋسىمعا دەيىن جەتكىزىلەدى. بيۋللەتەندەردى قولدان جاساۋ زاڭمەن قۋدالانادى.

  «تۇركىستان-اقپارات»

سوڭعى جاڭالىقتار