22 مامىر, 16:32 378 0 قوعام TURKYSTAN.KZ

وتىرار كورمەسى اشىلدى

ابايدىڭ «جيدەباي-ءبورىلى» مەملەكەتتىك قورىق-مۋزەيىنە «وتىرار مەملەكەتتىك ارحەولوگيالىق قورىق-مۇراجايىنىڭ» قىزمەتكەرلەرى ءىس-ساپارمەن قوناققا كەلدى.

وتىرار قورعانىنا 800 جىل تولۋىنا وراي «قامالى بەكەم، حالقى قايسار – وتىرار» تاقىرىبىندا قۇرىلعان جىلجىمالى كورمەسىنىڭ ۇلى اقىننىڭ مۋزەيىندە سالتاناتتى اشىلۋى ءوتتى.

شارانىڭ العى ءسوزىن ابايدىڭ «جيدەباي-ءبورىلى» مەملەكەتتىك قورىق-مۋزەيىنىڭ ديرەكتورى ەرلان-بەك مەيرامحاتۇلى سويلەپ، وتىرار مۋزەيىنىڭ باس قور ساقتاۋشىسى ەرالى تولەندىۇلى كورمە بارىسىمەن تانىستىردى. ايتا كەتەتىن جايت، كورمە ءتورت بولىمنەن تۇرادى. كورمەگە وتىرار قورعانىنان تابىلعان كونە زاتتاردىڭ 200 ءتۇرى قويىلعان.

سونداي-اق، سالتانات سوڭى اسەم انمەن تۇيىندەلىپ، كورمەگە ەكسكۋرسيا جۇرگىزىلدى. «قامالى بەكەم، حالقى قايسار – وتىرار» كورمەسى اباي مۋزەيىندە ءبىر اي بويى كەلۋشىلەر نازارىنا ۇسىنىلادى.

سوڭعى جاڭالىقتار