22 مامىر 2019, 16:28 687 0 كولىك Túrkistan Gazeti

الماتىنىڭ اۆتوبۋس پاركى 100 پايىز جاڭارادى

الماتىدا قالالىق كولىك رەفەرماسىنىڭ ارالىق قورىتىندىسى شىعارىلدى. ءۇش جىل ىشىندە 1113 جاڭا اۆتوبۋستار ساتىپ الىندى، ەلىمىزدەگى العاشقى BRT جەلىسى ىسكە قوسىلدى، كارشەرينگ پەن ۆەلوپروكات قىزمەتى ەنگىزىلدى. مەترونىڭ ەكى جاڭا بەكەتىنىڭ قۇرىلىسى جالعاسۋدا جانە LRT جەڭىل رەلستى ترامۆاي جوباسى جۇزەگە اسۋدا.

بۇگىنگى كۇنى الماتىنىڭ اۆتوبۋس پاركى 80 پايىزعا جاڭاردى. بۇعان قارجىنى كولەڭكەلى اينالىمنان شىعارۋعا ىقپال ەتكەن «وڭاي» جۇيەسى ارقىلى قولجەتتى. قازىرگى كەزدە بارلىق ترانزاكتسيانىڭ 97 پايىزى قولما-قول اقىسىز جۇرۋدە. حالىقتىڭ اراسىنا جولاقىسىن QR-كودى ارقىلى تولەۋ تاراي باستادى.

جولاقىدان تۇسكەن تابىستىڭ اشىقتىعى تاسىمالدۋشىلارعا پاركتى جاڭارتۋعا جانە قىزمەت ساپاسىن جاقسارتۋعا مۇمكىندىك بەردى. كولىك حولدينگىنىڭ مالىمەتى بويىنشا، ەگەر «باتۋ TRAVEL» جەكە تاسىمالداۋشىنىڭ وتكەن جىلعى ءساۋىر ايىنداعى سۋبسيدياسىز جانە وتەماقىسىز كىرىسى 4,7 ملن. تەڭگە بولسا، بيىلعى جىلدىڭ ساۋىرىندە بۇل تسيفر 12,3 ملن. تەڭگەگە جەتتى. «دۋمان ترانس» جەكە تاسىمالداۋشىنىڭ وسى كەزەڭدەگى تابىسى 1,8 ەسە ءوستى.

«بيىل الماتىنىڭ اۆتوبۋس پاركى 100%-عا دەيىن جاڭارادى. جاقىندا تاعى 500 اۆتوبۋس جەتكىزىلەدى، ولاردىڭ 200 گازبەن جۇرەدى جانە 60 «گارموشكالى». قالا تۇرعىندارىنىڭ Instagram ارقىلى ماعان جولداعان وتىنىشتەرىن ەسكەرە وتىرىپ، 38-ءشى باعىتتى جاڭارتۋدى تاپسىردىم. وعان گازبەن جۇرەتىن 18 مەترلى جاڭا اۆتوبۋستار جىبەرىلەدى. كوممەنتاريلەردە 48-ءشى باعىتتى جاڭارتۋدى سۇرايدى. جاڭارتامىز»، - دەدى باۋىرجان بايبەك.

قالا ەكولوگياسىن جاقسارتۋ ءۇشىن ەلەكتر كولىگى ەنگىزىلەدى. ول ءۇشىن ەلەكترواۆتوبۋستاردىڭ ءۇشىنشى بۋىنىن شىعاراتىن قازاقستاندىق-گەرماندىق-گونكونگتىك زاۋىت جانە 300 ورىندى اۆتوبۋس پاركى سالىندى. «made in Almaty» ماركالى العاشقى 10 اۆتوبۋس بىرنەشە كۇننەن سوڭ رەيسكە شىعادى. تروللەيبۋستىڭ كونتاكتىلى جەلىسىن رەكونسترۋكتسيالاۋدىڭ جسق جاسالدى.

قالا اكىمى كولىك حولدينگىنە بارعان كەزدە BRT جەلىسىن ەنگىزگەلى بەرى جولاۋشى اعىنىنىڭ 40%-عا ارتقانى، جولعا كەتەتىن ۋاقىتتىڭ 15 مينۋتقا قىسقارعانى ايتىلدى پوليتسيا دەپارتامەنتىنىڭ مالىمەتى بويىنشا بيىلعى جىلدىڭ قاڭتار- ءساۋىر ايلارىندا جكو 24%-عا ازايعان.

جازدىڭ اياعىنا دەيىن بيۋدجەتتەن تىس قارجى ەسەبىنەن بەكەت كەشەندەرىنە تاعى 50 ەلەكتروندى تابلولار ورناتىلادى. كولىك حولدينگى ۆەلوشەرينگ، تاكسي، ىلە اتالاۋ تابيعي پاركىنە بارۋ سياقتى قىزمەتتەردى جۇزەگە اسىرۋ ءۇشىن «وڭاي» جۇيەسىن ينتەگراتسيالاۋ بويىنشا كەلىسسوزدەر جۇرگىزۋدە.

سوڭعى جاڭالىقتار