21 مامىر 2019, 11:33 667 0 ءبىلىم "تۇركىستان" گازەتىنىڭ اۆتورلارى

قازاق بالاسى تمد-نىڭ ۇزدىك ستۋدەنتى اتاندى

الماتى قالاسىنداعى حالىقارالىق IT ۋنيۆەرسيتەتىنىڭ 1 كۋرس ستۋدەنتى سانجار قۇرمامباەۆ تمد اۋماعىنداعى وقۋ ورىندارى اراسىندا ەڭ ۇزدىك ستۋدەنت-2019 مارتەبەسىنە يە بولدى.

سانجار قۇرمانباەۆ - "التىن بەلگى" يەگەرى، فيزيكادان رەسپۋبليكالىق وليمپيادانىڭ ەكى دۇركىن چەمپيونى، ى.التىنسارين اتىنداعى №159 مەكتەپ تۇلەگى.

"مەن "ۇزدىك ستۋدەنت 2019 تمد" بايقاۋى جايلى ينستاگرامنان ءبىلدىم. جانە دە شىنىمەن قاتىسىپ، جەڭگىم كەلدى. ماراپاتتاۋ ءراسىمى نۇر-سۇلتان قالاسىنداعى "نۇر-الەم" ەكسپو كەشەنىندە بولدى. بۇل جارىسقا تمد بويىنشا 700 ستۋدەنت ىرىكتەلىپ، ەڭ ۇزدىك 100 ستۋدەنت قاتىستىق. مەن ءوز مەملەكەتىمدى، وقۋ ورنىمدى تانىتقانىما قۋانامىن، جانە ءبىز قازاقستاننىڭ ينتەللەكتۋالدى ەليتاسى ەكەنىمىزدى ارقاشان ماقتانا ايتامىن", - دەيدى سانجار ءوز سوزىندە.

بىلتىرعى جىلدىڭ قىسىندا سانجار رەسپۋبليكالىق بايقاۋدا "Uzdik Student"  نوميناتسياسىن جەڭىپ العان ەدى. بايقاۋدا ءبىلىم، عىلىم، مادەنيەت سالالارى بويىنشا تمد-نىڭ ۇزدىك ستۋدەنتتەر انىقتالدى. ستۋدەنتتەردى مەملەكەتتىك ەلتاڭبا اۆتورى جانداربەك مالىبەكۇلى ماراپاتتادى.

رىسبەك اراپحانۇلى

 

سوڭعى جاڭالىقتار