20 مامىر 2019, 17:26 962 0 ىشكى ساياسات دينارا مىڭجاسارقىزى

سايلاۋدى 300 باقىلاۋشى باقىلايدى

ورتالىق سايلاۋ كوميسسياسىندا قازاقستاندا 9 ماۋسىمدا وتەتىن پرەزيدەنت سايلاۋىن تمد-دان قانشا بايقاۋشى قاداعالايتىنى جاريا ەتىلدى.

بۇگىن ورتالىق سايلاۋ كوميسسياسىندا قر وسك توراعاسى بەرىك يماشەۆ پەن تمد اتقارۋ كوميتەتى - اتقارۋشى حاتشىسى توراعاسىنىڭ ءبىرىنشى ورىنباسارى ۆيكتور گۋمينسكي كەزدەستى. بۇدان سوڭ ۆيكتور گۋمينسكي تىلشىلەرمەن ءباسپاسوز ءماسليحاتىن وتكىزدى. "تمد مەملەكەتتەرى تاراپىنان قازاقستانداعى كەزەكتەن تىس پرەزيدەنت سايلاۋىن بايقاۋ ميسسياسى بۇگىننەن باستالعانىن مالىمدەيمىن. بىزدە ميسسيا شتابى قۇرىلىپ، بۇگىننەن باستاپ ميسسيامىزدى دايارلاۋ، قىزمەتتىك مىندەتتەمەلەرىن ورىنداۋ جۇمىستارىنا كىرىستىك. ميسسيا قازاقستان رەسپۋبليكاسى سىرتقى ىستەر مينيسترلىگىنەن شاقىرتۋ الدى. وسىعان بايلانىسى تمد اتقارۋ كوميتەتى ۋكراينادان باسقا دوستاستىققا مۇشە ەلدەردىڭ بارىنە، پارلامەنتارالىق اسسامبلەياعا ءتيىستى ۇسىنىس جولدادى. تمد-دان ميسسيا قۇرامىندا 300-گە تارتا بايقاۋشى بولادى دەپ كۇتىلىپ وتىر", - دەيدى ۆيكتور گۋمينسكي.   تمد-دان بايقاۋشىلار ميسسياسى قازاقستانداعى سايلاۋدى، ونىڭ ىشىندە قر پرەزيدەنتىن سايلاۋدا ۇلكەن تاجىريبەگە يە. تمد-دان 700-دەن استام بايقاۋشى قازاقستاندا 2015-2016 جىلدارى وتكەن ەكى سايلاۋ ناۋقانىنا قاتىسقان بولاتىن. ەسكە سالا كەتەيىك، قر پرەزيدەنتىنىڭ سايلاۋى 9 ماۋسىم كۇنى وتەدى. سايلاۋعا 7 كانديدات تىركەلىپ وتىر.

سوڭعى جاڭالىقتار