20 مامىر 2019, 16:05 665 0 جاھان Turkystan Support

زەلەنسكي پارلامەنتتى تاراتپاق

ۋكراينا پارلامەنتىندە ۆلاديمير زەلەنسكي حالىققا ادال قىزمەت ەتۋگە انت ەتىپ، ەل پرەزيدەنتى قىزمەتىنە كىرىستى. ۇلىقتاۋ راسىمىندە سويلەگەن زەلەنسكي جوعارعى رادانى (پارلامەنت) تاراتاتىنىن ايتتى.

يناۋگۋراتسيادان سوڭ سويلەگەن زەلەنسكي ۋكرايناداعى الەۋمەتتىك ماسەلەرگە توقتالدى. ول "ۇكىمەت ءبىزدىڭ ماسەلەنى شەشپەيدى. ۇكىمەتتىڭ ءوزى - ءبىزدىڭ ماسەلەمىز" دەگەن تسيتاتانى كەلتىرىپ، "پارلامەنتتە كەلەشەك ۇرپاقتىڭ قامىن ويلايتىندار عانا وتىرۋى كەرەك" دەدى.

«جاڭا پەرزيدەنت پارلامەنتتەن دەپۋتاتتاردىڭ تيىسپەۋشىلىك مارتەبەسىن الىپ تاستاۋدى، ۋكراينا قاۋىپسىزدىك قىزمەتىنىڭ باسشىسىن، قورعانىس ءمينيسترى مەن باس پروكۋروردى قىزمەتىنەن كەتىرۋدى سۇرادى. زەلەنسكي دەپۋتاتتارعا "بۇل ءۇشىن سىزدەرگە ەكى اي بەرىلەدى» دەدى.

ول ۋكراينانىڭ ەۋروپاعا بەت بۇراتىنىن ايتتى. «ەڭ باستى ماقساتىم - دونباسستاعى داۋعا نۇكتە قويۋ»، – دەدى زەلەنسكي.

زەلەنسكي دەپۋتاتتارعا قاراتا "كابينەتتەرىڭىزگە مەنىڭ سۋرەتىمدى ىلمەڭىزدەر. پرەزيدەنت - ءمىناجات ەتەتىن نارسە ەمەس. بالالارىڭىزدىڭ سۋرەتىن قويىڭىزدار. قانداي دا ءبىر شەشىم قابىلداماس بۇرىن سولاردىڭ كوزىنە قاراڭىزدار" دەدى.

سوڭعى جاڭالىقتار