20 مامىر 2019, 12:17 650 0 قوعام دينارا مىڭجاسارقىزى

XVI ەۋرازيا مەديا فورۋمىنىڭ سپيكەرلەرى بەلگىلى

22-24 مامىردا الماتىدا وتەتىن XVI ەۋرازيا مەديا فورۋمىنىڭ باعدارلاماسى جاريا ەتىلدى. بۇل جولعى باسقوسۋ «بۇگىنگى الەم: شىنايىلىق ترانسفورماتسياسى؟» تاقىرىبىمەن وتكىزىلەدى. فورۋم قوناقتارى اراسىندا CGTN جانە تاسس وكىلدەرى، وبب بۇرىنعى باسشىسى جانە تانىمال كينورەجيسسەر سەرگەي بودروۆ، تاعى باسقالار بار.

بيىلعى پلەنارلىق وتىرىس مىنا تاقىرىپتاردا ۇيىمداستىرىلادى: «جاھان(سىز)دانۋ: الەم دامۋدىڭ جاڭا ۇلگىسىن ىزدەۋدە»، «تۇتىنۋ داعدارىسى»، «ماسس-مەديانىڭ تسيفرلىق شىنايىلىعى: سىناقتى قابىلداي الامىز با؟» «ءاى ءداۋىرى: ادامزاتتىڭ قۇلدىراۋى الدە گۇلدەنۋى؟»، «سەنىم داعدارىسى. كۇشتەردىڭ جاھاندىق ءبولىنىسى»، «بلوگەرلەر: ۆيرتۋالدىق الەمنىڭ جاڭا روك-جۇلدىزدارى ما؟»، «زاڭسىز-زاڭدى: ماريحۋانا قولجەتىمدى!».

سونداي-اق جيىن بارىسىندا «ورتالىق ازياداعى ايماقتىق ينتەگراتسيا» تاقىرىبىندا دوڭگەلەك ۇستەل وتكىزىلەدى. وندا ورتالىق ازيا ەلدەرىنىڭ جاڭا بىرلەستىگىنىڭ بولاشاعىنا ساراپشى كوزقاراس بىلدىرىلەدى.

ۇيىمداستىرۋشىلار فورۋمعا 19 ەلدەن شەتەلدىك سپيكەر، ەلىمىزدىڭ مەملەكەت قايراتكەرلەرى مەن ايتۋلى ساراپشىلارىنىڭ قاتىسۋىن كۇتۋدە. باسقوسۋعا اقش، كانادا، ۇلىبريتانيا، اۆستراليا، گەرمانيا، رەسەي، گرۋزيا، پولشا، ۋكراينا، اۆستريا، قىتاي، ەستونيا، سلوۆەنيا، سەنت-ۆينسەنت جانە گرەنادين، ليۆان، اندوررا، نايروبي، وار، ءباا وكىلدەرى قاتىسادى.

سپيكەرلەر قاتارىندا:

 توماس حەندريك يلۆەس (ەستونيا) – ەستون ساياساتكەرى،  ەستونيا پرەزيدەنتى (2006 – 2016 جج.)

روبەرت دجەيمس ۆۋلسي – ورتالىق بارلاۋ باسقارماسىنىڭ باسشىسى (1993-1995 جج), قۋاتتى ساقتاۋ بويىنشا ساراپشى، Genie Energy Ltd. ستراتەگيالىق  كەڭەسشىسى،  Siva Power, Inc. ديرەكتورلار كەڭەسىنىڭ مۇشەسى

ۋەين كەرتيس ۋەلدون (اقش) – كونگرەسسمەن، پەنسيلۆانيا وكرۋگى اتىنان رەسپۋبليكاشىل (1987-2007 جج.)

سەرگەي بودروۆ (رەسەي) – كينورەجيسسەر، ستسەناريست، پروديۋسەر

مارتين فورد (اقش) — فۋتۋريست  جانە «ماشينەلەر كوتەرىلىسى»،  «زەرتتەۋ اۆتورلارى — جاساندى  اقىل-ويدى جاساۋشىلاردىڭ شىندىعى» كىتاپتارىنىڭ اۆتورى

ميحايل گۋسمان (رەسەي) – جۋرناليست، تاسس باس ديرەكتورىنىڭ ءبىرىنشى ورىنباسارى

دميتري گوردون (ۋكراينا) — جۋرناليست، «گوردون بۋلۆارى» گازەتىنىڭ باس رەداكتورى،  «گوردون» ينتەرنەت-باسىلىمىنىڭ نەگىزىن سالۋشى

اندرەس يلۆەس (وڭتۇستىك افريكا) — تاۋەلسىز جۋرناليست جانە «Ilves International» باس ديرەكتورى

ستيۆەن كوۋل (ۇلىبريتانيا), CGTN باعدارلاماسىنىڭ اۆتورى جانە جۇرگىزۋشىسى

الداعى كونفەرەنتسيادا الەمدىك جانە ايماقتىق دەڭگەيدەگى كوكەيتەستى  ماسەلەلەر تالقىلاناتىن بولادى. كۇن تارتىبىندە: جاھاندانۋ ماسەلەسى، اسىرەسە وزەكتى تۇتىنۋ داعدارىسى، سونداي-اق حالىقارالىق قۇقىق پروبلەمەلارى مەن جاساندى اقىل-ويدى كەڭىنەن پايدالانۋدان تۋىندايتىن سىن-قاتەرلەر بار.

فورۋم اياسىندا مەديا سالاداعى كاسىبي تاقىرىپتار، اتاپ ايتقاندا، جۋرناليستيكانىڭ تسيفرلىق دۇينەدەگى كەلەشەگى مەن بلوگجۇيە ىقپالىنىڭ كۇشەيۋى ءسوز ەتىلەدى.

ەۋرازيا مەديا فورۋمىنىڭ (ەامف) باستى ماقساتى – ورتالىق ازياداعى جەتەكشى ءارى تاۋەلسىز ديالوگ الاڭى رەتىندە قازاقستان، ەۋرازيا جانە بۇكىل حالىقارالىق قاۋىمداستىقتى تولعاندىراتىن گەوساياسي، ەكونوميكالىق، الەۋمەتتىك-مادەني دامۋ ماسەلەلەرى بويىنشا ساياساتكەرلەر، جۋرناليستەر مەن ساراپشىلاردىڭ پىكىرتالاسىنا جاعداي جاساۋ.

سوڭعى جاڭالىقتار