20 مامىر 2019, 13:19 700 0 ايماق "تۇركىستان" گازەتىنىڭ اۆتورلارى

قازاقشا كۇرەستەن حالىقارالىق پالۋاندار باسەكەسى ءوتتى

جىل سايىنعى داستۇرگە اينالعان جارىس بيىل تۇركىستان وبلىسى، ورداباسى اۋدانى تەمىرلان ەلدى-مەكەنىندە ءوتتى. ق.مۇڭايتپاسۇلىنىڭ 149 جىلدىعىنا ارنالعان قازاقشا كۇرەستەن پالۋاندار تۋرنيرىنە رەسەي، وزبەكستان، موڭعوليا ەلدەرىمەن قاتار ەلىمىزدىڭ بارلىق وڭىرلەرىنەن 300-گە تارتا پالۋان قاتىسقان.

قاجىمۇقان اتىنداعى ستاديونعا جينالعان بوزكىلەم شەبەرلەرى 2 كۇن بويىنا، 8 سالماق دارەجەسىندە باق سىناسىپ، جەڭىمپازداردى انىقتادى. اقتىق سىندا كۇرەسكەن الماتىلىق رۋسلان ابدىرازاقوۆ پەن موڭعوليالىق سەرىك بەردىمۇرات اراسىنداعى باسەكەدە، ەل نامىسىن قورعاعان رۋسلان جەڭىسكە جەتسە، ءۇشىنشى ورىن تاعى دا موڭعوليالىق دورج انارعا بۇيىردى. بۇل جولى ءتۋرنيردىڭ باس جۇلدەسىنە سۋ جاڭا «نيۆا» اۆتوكولىگى تارتۋ ەتىلدى.
،جەڭىمپازعا تەمىر تۇلپاردى ورداباسى اۋدانىنىڭ اكىمى قايرات جولدىبايۇلى مەن وبلىستىق دەنە شىنىقتىرۋ جəنە سپورت باسقارماسىنىڭ باسشىسى پولات قىرىقباەۆ تابىس ەتتى. تۇيە بالۋان ەندى «قازاقستان بارىسى» تۋرنيرىندە باعىن سىنايتىن بولادى

رىسبەك اراپحانۇلى

سوڭعى جاڭالىقتار