20 مامىر, 10:22 476 0 كولىك TURKYSTAN.KZ

قازاقستاندا شىعارىلعان كولىكتەرگە سۇرانىس ارتتى

جىل باسىنان بەرءى ەلىمىزدە شىعارىلعان كولىكتەر سانى 12 870 جەتتى.  قازاقستاندىق وندىرۋشىلەر جاساپ شىققان جەڭىل جانە جۇك كولىكتەرى، اۆتوبۋس تەحنيكاسى مەن ارنايى ماشينالار قازىردە سۇرانىسقا يە.

ەسەپتى كەزەڭدە قازاقستاندا شىعارىلعان كولىكتەردىڭ جالپى قۇنى 83,9 ملرد تەڭگەگە باعالانىپ وتىر. جالپى، جەڭىل اۆتوموبيل ءوندىرۋ 37,9 پايىزعا ءوسىپ، 12 113-كە جەتتى. جىل باسىنان بەرى وتاندىق اۆتوزاۋىتتار 10 879 كولىكتى وتكىزىپ، بۇل كورسەتكىش بىلتىرعا قاراعاندا 42,2 پايىزعا جوعارى بولدى.

ونىڭ ىشىندە 3 368 اۆتوموبيل ءساۋىر ايىندا ساتىلىپ، بۇل ءوز كەزەگىندە سالاداعى ۇزدىك كورسەتكىش رەتىندە تىركەلدى. ءتورت ايدىڭ قورىتىندىسى بويىنشا جەرگىلىكتى وندىرىستەگى اۆتوموبيلدەردى ساتىپ الۋعا تۇرعىندار 69,6 ملرد تەڭگە جۇمساپ، وسى سوما ءبىر جىل بۇرىنعى دەڭگەيدەن 68,5 پايىزعا جوعارى بولدى.

اتالعان مەرزىمدە قازاقستاندا قۇراستىرىلعان جەڭىل كولىكتەردىڭ اراسىندا سۇرانىسقا يە برەندتەردىڭ بەستىگىنە Lada (4 664 كولىك), Hyundai (3 405), KIA (1 240), Skoda (290) جانە Chevrolet (233) ەندى.

وتاندىق كاسىپورىندار ۇسىناتىن ماركالاردىڭ تىزىمىندە JAC (160), UAZ (116), Ravon (68) جانە Peugeot (15) بار ەكەنىن اتاپ وتكەن ءجون.

سوڭعى جاڭالىقتار