17 مامىر 2019, 17:18 745 0 الەۋمەت اسەل انۋاربەك

مينيستر كوپبالالى انالارمەن كەزدەستى

ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپارباەۆ نۇر-سۇلتان قالاسىندا كوپبالالى انالارمەن كەزدەستى.

كەزدەسۋ بارىسىندا كوپبالالى انالارعا مەملەكەتتىك قولداۋ شارالارى تۋرالى اقپارات بەرىلدى. كوپبالالى انالار «باقىتتى وتباسى» باعدارلاماسى اياسىندا تۇرعىن ءۇي جاعدايىن جاقسارتۋ، جالپى ءبىلىم بەرۋ قورى اياسىنداعى قولداۋ، ساناتورلىق-كۋرورتتىق ەمدەۋ، مەديتسينالىق قىزمەت كورسەتۋ، سونىڭ ىشىندە ستوماتولوگيالىق قىزمەت كورسەتۋ جانە باسقا دا مەملەكەتتىك قولداۋ شارالارىن الۋ تۋرالى سۇراقتار قويعان. ەڭبەك مينيسترلىگى ۆەدومستۆو قۇزىرەتىنە كىرەتىن ماسەلەلەردى شەشۋدى جەكە باقىلاۋعا الدى. اعىمداعى جىلعى 1 مامىرداعى جاعداي بويىنشا قازاقستاندا «التىن القا» جانە «كۇمىس القامەن»، «انا داڭقى» وردەندەرىمەن ماراپاتتالعان، بۇرىن «باتىر انا» اتاعىن العان 235 مىڭنان استام كوپبالالى انا بار. ونىڭ 4787-ءسى نۇر-سۇلتان قالاسىندا تۇرادى ەكەن.

اكىمدىكتەردىڭ مالىمەتىنشە، 2019 جىلى 287 مىڭ بالا مەكتەپتەردە تەگىن تاماقپەن، 553 مىڭ ادام تەگىن جول جۇرۋمەن، 219 مىڭ وقۋشى مەكتەپ فورماسىمەن جانە كەرەك-جاراقتارمەن، 30 مىڭعا جۋىق بالا بالاباقشالاردا ورىنمەن قامتاماسىز ەتىلەدى، 186 مىڭ بالا لاگەرگە جولداما الادى، 460 مىڭنان استام ادام ءبىر جولعى كومەك الادى، 5 مىڭ ااك الۋشى جۇمىسپەن قامتىلادى، 5 مىڭ ادام تۇرعىن ءۇي قۇرىلىس جيناقتارى جۇيەسى ارقىلى باسپانا جاعدايىن جاقسارتادى. جالپى الەۋمەتتىك كومەكتىڭ بارلىق تۇرلەرىمەن 83,1 ملرد تەڭگەگە 821 مىڭ ادامدى قامتۋ جوسپارلانۋدا.

 

سوڭعى جاڭالىقتار