17 مامىر, 17:10 323 0 سپورت اسەل انۋاربەك

بەلدەسۋدەن رەسپۋبليكالىق تۋرنير وتپەك

25-26 مامىر كۇندەرى الماتى قالاسىندا بەلدەسۋدەن رەسپۋبليكالىق تۋرنير وتەدى. ەلىمىزدىڭ بارلىق وڭىرىنەن قاتىساتىن 1000-عا جۋىق بالۋاندار ءۇشىن 20 ملن جۇلدە قورى بەكىتىلىپ وتىر. بۇل تۋرالى الماتىداعى «سۇڭقار» كەشەنىندە وتكەن ءباسپاسوز ءماسليحاتىندا ءمالىم بولدى.

ەكىنشى رەت وتكەلى وتىرعان تۋرنير «رۋحاني جاڭعىرۋ» جوباسى اياسىندا ۇلتتىق سپورتتىق دامىتۋ ماقساتىندا ۇيىمداستىرىلۋدا. «2018 جىلى قر مادەنيەت جانە سپورت مينيسترلىگىندە بەلدەسۋ ۇلتتىق سپورت ءتۇرى رەتىندە تانىلدى. بىلتىر ءبىرىنشى تۋرنيردە كورەرمەندەرىمىز از بولعاندىقتان، ولاردىڭ سانى ءتيىستى دارەجەگە جەتەدى دەگەن ماقساتپەن كورەرمەندەر اراسىندا اۆتوكولىك ويناتىلۋى – بيىلعى ءتۋرنيردىڭ باستى ەرەكشەلىگى. سونداي-اق، جاتتىقتىرۋشىلارعا ارنايى سىياقى تاعايىندالىپ وتىر. جارىسقا 18 بەن 50 جاس ارالىعىنداعى سالماعى 70 كەلىدەن اساتىن قازاقستاننىڭ ازاماتى قاتىسا الادى»، – دەدى قر قازاق كۇرەسى فەدەراتسياسىنىڭ باس حاتشىسى باقداۋلەت ءسابيتوۆ. جارىس قازاق كۇرەسى فەدەراتسياسى بەكىتكەن ەرەجەلەرگە سايكەس جانە وليمپيادالىق جۇيە بويىنشا وتكىزىلەدى.

 

سوڭعى جاڭالىقتار