17 مامىر, 13:52 450 0 ءبىلىم دينارا مىڭجاسارقىزى

300 مىڭنان اسا مۇعالىمنىڭ جالاقىسى وسەدى

ەلىمىزدە 300 مىڭنان اسا مۇعالىمنىڭ جالاقىسى وسەدى.  ءبىلىم سالاسىنىڭ نەگىزگى، قوسىمشا، تەحنيكالىق جانە باسشىلىق قىزمەتكەرلەرىنىڭ جالاقىسى وسەدى، - دەپ حابارلايدى تengrinews.kz ءتىلشىسى. 

ءبىلىم جانە عىلىم مينيسترلىگىندە پەداگوگ قىزمەتكەرلەردىڭ جالاقىسى تۋرالى ءسوز بولدى.  "وسى ماقساتتا رەسپۋبليكالىق بيۋدجەتتەن 2019 جىلى 109 ميلليارد تەڭگە ءبىلىم سالاسىنا بولىنەدى. الداعى ۋاقىتتا قاراجات 234 ميلليارد تەڭگە بولادى. جالاقى رەسپۋبليكانىڭ بارلىق ءوڭىرى بويىنشا ءبىر ۋاقىتتا كوتەرىلەدى. ءبىلىم سالاسىندا جارتى ميلليون قىزمەتكەردىڭ، سونىڭ ىشىندە 300 مىڭنان اسا پەداگوگتىڭ جالاقاسى ارتادى", - دەيدى قر بعم.

قىزمەتكەرلەردىڭ ەرەكشە ەڭبەگى ءۇشىن قوسىمشا اقى قاراستىرىلادى. ماسەلەن، سىنىپ جەتەكشىلىك ءۇشىن، داپتەر تەكسەرۋ مەن جازباشا جۇمىس، جاڭارتىلعان باعدارلاما مەن پەداگوگتىك شەبەرلىك كۆاليفيكاتسياسى ءۇشىن اقى تولەنەدى.  1 ماۋسىمنان باستاپ مەكتەپالدى مەكەمە، كوللەدج، جوعارعى وقۋ ورىندارى قىزمەتكەرلەرىنىڭ جالاقىسى ارتادى.  ال، مۇعالىمدەردىڭ مەرزىمىنەن بۇرىن زەينەتكە شىعۋ ۇسىنىسى قابىلدانعان جوق.

سوڭعى جاڭالىقتار