17 مامىر 2019, 12:59 678 0 ىشكى ساياسات دينارا مىڭجاسارقىزى

ەلوردا 2050 جىلعا قاراي قالاي داميدى؟

بيىل نۇر-سۇلتان قالاسىن 2050 جىلعا دەيىن دامىتۋ ستراتەگياسى ازىرلەنەدى. بۇل تۋرالى بۇگىن ءحىى استانا ەكونوميكالىق فورۋمى بارىسىندا ەلوردا اكىمى باقىت سۇلتانوۆ ايتتى، دەپ حابارلايدى قازاقپارات ءتىلشىسى.

«بيىل ەلوردانىڭ قارقىندى وسۋىمەن بايلانىستى سىن-تەگەۋرىندەردى، قالا اۋماعىنىڭ اركەلكى دامۋىن جانە بۇكىل الەمنەن تالانتتاردى تارتۋدى ەسكەرەتىن 2050 جىلعا دەيىنگى  نۇر-سۇلتان قالاسىن دامىتۋ ستراتەگياسىن ازىرلەيمىز. ستراتەگياسى ماقساتى – تىرشىلىك تارتىمدىلىعى مەن بارلىعىنا ارنالعان جۇمىس، جاھاندىق باسەكەگە ساي ءارى تۇراقتى ەكونوميكا سىندى سيپاتتامالاردى قامتيتىن جاھاندىق دەڭگەيدەگى قالا قۇرۋ. جانە تۇپتەپ كەلگەندە ەڭ الدىمەن ساياسي ەۋرازيالىق جاھاندىق حابقا اينالادى»، –  دەدى ەلوردا اكىمى «جاھاندىق جىبەك جولى – قالا مەرلەرىنىڭ فورۋمى» سەسسياسى بارىسىندا. سونىمەن قاتار، باقىت سۇلتانوۆ نۇر-سۇلتان قالاسى  بۇكىل الەمدەگى نيەتتەستەرىمەن وڭىرارالىق ءوزارا ءىس-قيمىلدى كەڭەيتۋ جانە نىعايتۋ ساياساتىن جالعاستىراتىندىعىن ايتتى. «قازىرگى ۋاقىتتا نۇر-سۇلتاننىڭ 32 ەلدە 47 باۋىرلاس جانە سەرىكتەس قالاسى بار. ولاردىڭ 29-ى استانالار.  ءبىز ولاردىڭ ارقايسىسىمەن ەكىجاقتى، سونداي-اق كوپجاقتى قارىم-قاتىناس اياسىندا ءوزارا ءتيىمدى كووپەراتسيانى دامىتۋعا تىرىسامىز»، –  دەدى ول.

سوڭعى جاڭالىقتار