17 مامىر 2019, 12:55 604 0 جاڭالىقتار Túrkistan Gazeti

«دارىن» سىيلىعىنا بايقاۋ جاريالاندى

بايقاۋ - ادەبيەت، عىلىم، ديزاين جانە بەينەلەۋ ونەرى، جۋرناليستيكا، كلاسسيكالىق مۋزىكا، قوعامدىق قىزمەت، سپورت، تەاتر جانە كينو، ەسترادا، حالىق شىعارماشىلىعى نوميناتسيالارى بويىنشا وتەدى

«دارىن» مەملەكەتتىك جاستار سىيلىعى - عىلىم، شىعارماشىلىق، قوعامدىق قىزمەت سالالارىندا جەمiستi ەڭبەگىمەن كوزگە تۇسكەن، سونداي-اق سپورتتا جوعارى جەتىستىككە جەتكەن دارىندى جاستاردى مەملەكەت تاراپىنان قولداۋ ماقساتىندا جىل سايىن وتەدى. بايقاۋ - ادەبيەت، عىلىم، ديزاين جانە بەينەلەۋ ونەرى، جۋرناليستيكا، كلاسسيكالىق مۋزىكا، قوعامدىق قىزمەت، سپورت، تەاتر جانە كينو، ەسترادا، حالىق شىعارماشىلىعى نوميناتسيالارى بويىنشا وتەدى»، - دەپ حابارلايدى قر اقپارات جانە قوعامدىق دامۋ مينيسترلىگى.

بايقاۋعا رەسپۋبليكالىق جانە حالىقارالىق كونكۋرستار مەن فەستيۆال لاۋرەاتتارى، سونداي-اق رەسپۋبليكالىق جانە حالىقارالىق دەڭگەيدەگى سپورت جارىستارىنىڭ جۇلدەگەرلەرى مەن جەڭىمپازدارى قاتىسا الادى. ودان بولەك، يننوۆاتسيالىق قىزمەتى ءۇشىن نەمەسە ءتيىستى سالانى دامىتۋعا ىقپال ەتكەن قازاقستاننىڭ 29 جاسقا دەيىنگى ازاماتتارى اتالعان بايقاۋدىڭ ۇمىتكەرى بولا الادى. «ۇمىتكەرلەردىڭ كانديداتۋراسىن ۇسىنۋدى مەملەكەتتiك ورگاندار مەن قوعامدىق بiرلەستiكتەردىڭ وكىلدەرى جۇرگiزەدi. بارلىق جەڭىمپازدارعا قر ۇكىمەتىنىڭ قاۋلىسىمەن «2019 جىلعى «دارىن» مەملەكەتتىك جاستار سىيلىعىنىڭ لاۋرەاتى» اتاعى بەرىلەدى جانە سىيلىقتىڭ يەگەرى ديپلوممەن، توسبەلگىمەن سونداي-اق، اقشالاي سىياقىمەن ماراپاتتالادى»، - دەلىنگەن حابارلامادا.

سوڭعى جاڭالىقتار