17 مامىر 2019, 12:19 575 0 ونەر Túrkistan Gazeti

«سوڭعى مۇعالىم» جۇلدەگە ىلىكتى

قازاقستاندا كينو ونەرى قارقىندى دامىپ كەلەدى. جۋىردا عانا الەن راحمەتاليەۆ تۇسىرگەن «سوڭعى مۇعالىم» قىسقامەتراجدى ءفيلمى ەرەۆاندا وتكەن حالىقارالىق قىسقامەتراجدى فيلمدەرگە ارنالعان فەستيۆالدە ارنايى جۇلدەگە يە بولدى.

كينوتۋىندىنى قر مادەنيەت جانە سپورت مينيسترلىگى تاپسىرىسى بويىنشا ش.ايمانوۆ اتىنداعى «قازاقفيلم» كينوستۋدياسى تۇسىرگەن.

فيلمدە حيميا ءپانىنىڭ مۇعالىمى ەرجان قايدارۇلىنىڭ ءومىرى باياندالادى. ونىڭ ساباقتارىندا وقۋشىلار ۇنەمى شۋلاپ وتىرادى. ءبىر كۇنى جوعارعى سىنىپ وقۋشىلارىنان ءجابىر كورگەن ۇلىن قورعاماق بولعان ۇستاز ولارمەن كۇرەسپەك بولادى.

«ءفيلمنىڭ وسىنداي جەتىستىكتەرى ارينە قۋانتادى. مەن بۇل فەستيۆالگە بارا المادىم. الايدا وسى بايقاۋعا مەنىڭ كۋرستاسىم، دوسىم دارحان تولەگەنوۆ قاتىستى. ونىڭ «اننا» اتتى ءفيلمى دە نەگىزگى باعدارلامادا كورسەتىلگەن بولاتىن. دارحاننىڭ ايتۋىنا قاراعاندا، وتاندىق فيلمدەر  كورەرمەندەر مەن فەستيۆال قوناقتارىنىڭ كوڭىلدەرىنەن شىقتى. بۇل قازاق كينو ونەرىنىڭ دامۋىنىڭ بىردەن ءبىر ايعاعى، - دەدى رەجيسسەر الەن راحمەتاليەۆ.

Yerevan International Short Film Festival فەستيۆالى دوستىق جانە جاھاندىق ىنتىماقتاستىقتى دامىتۋدى كوزدەيدى. سونداي-اق فەستيۆالدىڭ باستى ماقساتى - الەمنىڭ ۇزدىك قىسقامەتراجدى فيلمدەرىن كورسەتۋگە بولاتىن ارنايى الاڭ اشىپ، ارمەنيانىڭ كينو ءوندىرىسىن دامىتۋ.

بيىل فەستيۆالگە قاتىسۋعا 65 مەملەكەتتەن 650 وتىنىمدەر كەلىپ تۇسكەن ەكەن. ايتا كەتسەك، فەستيۆالدىڭ ديرەكتورى اتىنان بەرىلگەن بۇل ارنايى جۇلدە وتاندىق جاس رەجيسسەر تۇسىرگەن دارحان تولەگەنوۆتىڭ «اننا» اتتى فيلمىنە دە بۇيىردى.

 

سوڭعى جاڭالىقتار