16 مامىر 2019, 18:34 597 0 قوعام احمەت ومىرزاق

تۋريستىك پوليتسيا تۇركىستاننىڭ ەرەكشەلىگىن تانىتپاق

تۇركىستان –كوپتەگەن ەلدەر ءۇشىن قازاقستانداعى ەڭ تانىمال قالا. قازاق مەملەكەتى تاريحىندا ۇلكەن ورنى بار ەسكى شاھار وتكەن جىلى تۇركىستان وبلىسىنىڭ ورتالىعىنا اينالعالى بەرى زامانۋي قارقىندى دامۋدىڭ جولىنا ءتۇستى.

الەمگە ايگىلى قوجا احمەت ءياساۋيدىڭ كەسەنەسى ورنالاسقان قالاعا الىس، جاقىن شەتەلدەن تۋريستەر كوپ كەلەدى. وسىعان وراي، تۇركىستان قالاسىندا تۋريستىك پوليتسياسى قۇرىلدى دەپ حابارلايدى تۇركىستان وبلىسى اكىمدىگىنىڭ ءباسپاسوز حاتشىلىعى.

بۇگىندە تۇركىستان وبلىستىق پوليتسيا دەپارتامەنتى قۇرامىنا كىرەتىن تۋريستىك پوليتسيادا ون پوليتسيا قىزمەتكەرى جۇمىس ىستەيدى. ونىڭ بەسەۋى قوجا احمەت ياساۋي كەسەنەسىندە، بەسەۋى ارىستانباپ كەسەنەسى اۋماعىندا قىزمەت ەتەدى.

اتالعان پوليتسيا قىزمەتكەرلەرى كاسىبي قىزمەتى بويىنشا بىلىكتىلىگىنەن بولەك، وتان تاريحىن جاقسى بىلەدى جانە بىرنەشە شەتتىلىن يگەرگەن.

احمەت ومىرزاق

سوڭعى جاڭالىقتار