16 مامىر, 17:47 371 0 سىرتقى ساياسات دينارا مىڭجاسارقىزى

پۋتين G20 سامميتىندە ترامپپەن كەزدەسۋى مۇمكىن ەكەنىن ايتتى

رەسەي پرەزيدەنتى ۆلاديمير پۋتين ماۋسىم ايىندا جاپونيانىڭ وساكا قالاسىندا وتەتىن "ۇلكەن جيىرمالىق" سامميتىندە اقش پرەزيدەنتى دونالد ترامپپەن كەزدەسۋى مۇمكىن ەكەنىن ايتتى.

سوچيدە جۋرناليستەر الدىندا سويلەگەن پۋتين ۆاشينگتونمەن قاتىناسىن قالىپقا كەلتىرۋگە ءۇمىتتى ەكەنىن ايتقان. بۇعان دەيىن، 13 مامىردا، ترامپ پۋتينمەن سامميت كەزىندە كەزدەسۋدى جوسپارلاپ وتىرعانىن مالىمدەگەن. كرەمل رەسەي پرەزيدەنتىنىڭ جۇزدەسۋگە ءازىر ەكەنىن ايتقانىمەن، اق ۇيدەن كەزدەسۋگە سۇرانىس رەتىندە رەسمي حات كەلىپ تۇسپەگەنىن حابارلاعان.

14 مامىردا اقش مەملەكەتتىك حاتشىسى مايك پومپەو مەن رەسەي سىرتقى ىستەر ءمينيسترى سەرگەي لاۆروۆ سوچيدەگى كەزدەسۋدەن سوڭ ۆاشينگتون-ماسكەۋ قاتىناسىن قالىپقا كەلتىرۋ قاجەتىن ءسوز ەتكەن. بىراق قوس تاراپ بىرقاتار ماسەلە بويىنشا ارادا ۇلكەن كەلىسپەۋشىلىك بارىن ايتقان.

"ۇلكەن جيىرمالىقتىڭ" وتكەن ءسامميتى الدىندا ترامپ پەن پۋتين كەزدەسۋى وتەدى دەپ بىرنەشە رەت حابارلانعانىمەن، قوس پرەزيدەنت جۇزدەسكەن جوق. بۇعان رەسەي اننەكسيالاپ العان قىرىم جاعالاۋىندا ماسكەۋدىڭ 24 ۋكراين تەڭىزشىسىن ۇستاۋى سەبەپ بولعان. ۋكراين تەڭىزشىلەرى ءالى كۇنگە دەيىن قاماۋدا وتىر.

سوڭعى جاڭالىقتار