16 مامىر 2019, 17:06 688 0 قاۋىپسىزدىك دينارا مىڭجاسارقىزى

تۋريستىك پوليتسيا قۇرىلدى

قر پرەمەر-ءمينيسترى ا.ءماميننىڭ 2019 جىلعى 4 ناۋرىزداعى تاپسىرماسى جانە قر-نىڭ تۋريستىك سالاسىن دامىتۋدىڭ 2019-2025 جىلدارعا ارنالعان مەملەكەتتىك باعدارلاماسىن ىسكە اسىرۋعا سايكەس، تۋريستەر كوپ باراتىن وبلىستاردا تۋريستىك پوليتسيا قۇرۋ جونىندەگى جول كارتاسىن بەكىتىلگەن بولاتىن.

وسىعان وراي، تۇركىستان وبلىسى پوليتسيا دەپارتامەنتىنىڭ نەگىزىندە كوشى-قون پوليتسياسى باسقارماسىنىڭ جانىنان جاڭا – تۋريستىك پوليتسيا ءبولىمى قۇرىلدى.          ونى قۇرۋداعى ماقسات – قازاقستان رەسپۋبليكاسىنىڭ حالىقارالىق ءيميدجىن ارتتىرۋ، وڭىرگە كەلگەن شەتەل ازاماتتارىنىڭ قاۋىپسىزدىگى مەن جايلىلىعىن قامتاماسىز ەتۋ. سونداي-اق، ولاردى تولعاندىرعان كەز-كەلگەن سۇراعى بويىنشا اقىل-كەڭەس بەرۋ، كەلەڭسىز جاعدايلار ورىن السا كومەك كورسەتۋ.                                                                     

بۇگىنگى تاڭدا تۇركىستان وبلىسى پوليتسيا دەپارتامەنتىنىڭ تۋريستىك بولىمشەسى 10 قىزمەتكەردەن تۇرادى، ونىڭ 5-ءى ق.ا.ياسساۋي كەسەنەسىندە بولسا، قالعان 5-ءى وتىرار اۋدانى پوليتسيا بولىمىنە، ياعني ارىستان باب ماۆزولەيىنە بەرىلدى. ءار وبەكتىدە مودۋلدىك تۇردەگى ستاتسيونارلىق بەكەتتەر ورنالاستىرىلدى. ماماندار بەينەتىركەگىشتەرمەن، پلانشەتتەرمەن، راتسيالارمەن جابدىقتالعان.                                                           

سونىمەن قاتار، تۇركىستاندىق تۋريستىك پوليتسيا قىزمەتكەرلەرى وزدەرىنىڭ كاسىبي جانە قىزمەتتىك قاسيەتتەرى جوعارى بولۋىمەن قاتار،  تۋريستەرمەن قارىم-قاتىناس جاساۋ ءۇشىن بىرنەشە ءتىلدى مەڭگەرگەن ماماندار. سونداي-اق، تۋريستەرگە تۋىنداعان ماسەلەلەرىن شەشۋ ءۇشىن وزگە قۇرىلىمدارمەن ءوزارا ءىس-قيمىل جاساۋدى قامتامىز ەتۋدە قىزمەت جاساۋعا دايىن.        

سوڭعى جاڭالىقتار