16 مامىر, 16:43 443 0 ءبىلىم "تۇركىستان" گازەتىنىڭ اۆتورلارى

ءبىلىم ورداسىنداعى يگى باستاما

ءال-فارابي اتىنداعى قازۇۋ-دىڭ ەكونوميكا جانە بيزنەس جوعارعى مەكتەبىندە «يسلامدىق قارجى» ورتالىعىنىڭ اشىلۋى بولدى.

اشىلۋ سالتاناتىندا قازۇۋ رەكتورى عالىمقايىر مۇتانۇلى ورتالىقتىڭ ءمان-ماڭىزى جايىندا بايان ەتتى.

«ءبىزدىڭ ماقساتىمىز شاريعات نەگىزىندەگى يسلامدىق قارجى ماماندارىن دايىنداۋ. بۇل ورتالىق ازيا اۋماعىنداعى العاشقى ءارى بىرەگەي يسلامدىق قارجىلاندىرۋ جونىندەگى ءبىلىم بەرۋ عىلىمي ورتالىعى بولىپ تابىلادى. بۇگىننەن باستاپ ورتالىعىمىزعا يسلام تۇرعىسىنداعى قارجى بويىنشا ءبىلىم الام دەۋشىلەرگە ەسىگىمىز اشىق»، – دەدى رەكتور.

دوڭگەلەك ۇستەل بارىسىندا «يسلام قارجى» ورتالىعىنىڭ ماقساتى مەن باعىت-باعدارى تانىستىرىلىپ، يگى شارانىڭ تيگىزەر پايداسى تۇرعىسىندا ۇتىمدى ۇسىنىستار ايتىلدى. سونىمەن قاتار، قارجى نارىعىنىڭ قازىرگى جاعدايى، ونىڭ ىشىندە يسلامدىق قارجىلاندىرۋ نارىعى، يسلامدىق قارجىلىق يندۋسترياسىنىڭ قازاقستان رەسپۋبليكاسىندا دامۋىنىڭ ماسەلەلەرى مەن كەلەشەگى تالقىلاندى.

 

قالي كارىمحان

سوڭعى جاڭالىقتار