16 مامىر, 16:29 376 0 دەنساۋلىق دينارا مىڭجاسارقىزى

قازاقستان فۋتبولىندا جاڭا جۇلدىزداردىڭ باعى جانادى

نۇر-سۇلتان قالاسىنداعى «استانا-ارەنا» ستاديونىندا بۇقارالىق فۋتبولدان مەكتەپ وقۋشىلارى اراسىنداعى «Coca-Cola بىلعارى دوپ» رەسپۋبليكالىق ءتۋرنيرىنىڭ فينالى ءوتتى. وقۋ جىلىنىڭ ىشىندە ەلىمىزدىڭ مەكتەپتەرىندە اۋىلدار، قالالار، وبلىستار دەڭگەيىندە ىرىكتەۋ ويىندارى وتكىزىلدى. ەندى جاس فۋتبولشىلاردىڭ 17 مىقتى كومانداسى ەلوردادا كەزدەستى. 

«تۋرنير فينالىندا قوستاناي جانە جامبىل وبلىستارىنان كەلگەن كوماندالار كەزدەستى. ويىن 0:0 ەسەبىمەن تەڭ ويىنمەن اياقتالدى. جەڭىمپازدى پەنالتي انىقتادى. «Coca-Cola بىلعارى دوپ» كۋبوگى بيىل تارازعا بۇيىردى. كوپتەگەن وتاندىق ايگىلى فۋتبولشىلار كەزىندە «Coca-Cola بىلعارى دوپ» تۋرنيرىنەن باستاعان. بۇگىنگى قاتىسۋشىلاردى پرەمەر ليگانىڭ ۇزدىك كوماندالارى قۇرامىنان كورەمىز دەپ ويلايمىن. بالالار ءتۋرنيردىڭ وتكىزىلۋ دەڭگەيىنە ريزا. بۇگىن ولار ۇلتتىق قۇرامالار وينايتىن جانە حالىقارالىق ويىندار وتەتىن «استانا ارەنا» ستاديونىندا ونەر كورسەتتى. ارينە، بۇل جاتتىعۋ جۇمىسىن قارقىنداتۋعا شابىتتاندىرادى»، – دەپ حابارلادى قازاقستان فۋتبول فەدەراتسياسى پرەزيدەنتىنىڭ كەڭەسشىسى سەيىلدا بايشاقوۆ.

  Coca-Cola كومپانياسى قازاقستاندا قر فۋتبول فەدەراتسياسىمەن جانە قر عبم جانىنداعى ۇلتتىق عىلىمي-پراكتيكالىق دەنە تاربيەسى ورتالىعىمەن بىرلەسىپ بۇل ءتۋرنيردى 13 جىل بويى وتكىزۋدە. تۋرنير تاريحىندا وعان 1 200 000 استام قازاقستاندىق وقۋشى قاتىستى. تۋرنير وتاندىق سپورتتىڭ باۋىرجان يسلامحان، راۋان ساريەۆ، سەرگەي حيجنيچەنكو، سەرىكجان مۇجىكوۆ، الەكسەي ششەتكين جانە باسقالار ءتارىزدى جۇلدىزدارىن ءوسىردى.

«Coca-Cola بىلعارى دوپ» ءتۋرنيرى ۇيىمداستىرۋشىلار رەتىندە ءبىز ءۇشىن ەرەكشە. ءبىز فۋتبول مەرەكەسى اتموسفەراسىن تۋدىرۋعا تىرىسامىز. جىل سايىن فينال ويىندارى كەزەڭىندە جاس فۋتبولشىلار ءۇشىن «Coca-Cola بىلعارى دوپ Camp» ارنايى لاگەرىن ۇيىمداستىرامىز. بەلگىلى فۋتبولشىلارمەن كەزدەسۋلەر وتكىزەمىز، استانامىزدىڭ كورنەكى جەرلەرىن كورسەتەمىز»، – دەپ اڭگىمەلەدى CCI Kazakhstan كومپانياسىنىڭ كورپوراتيۆتىك جانە رەتتەۋشى قاتىناستارى جونىندەگى ديرەكتورى اليما يسەمباەۆا.

ءتۋرنيردىڭ ۇزدىك ءبومبارديرى الماتىلىق باعدات ورازاليەۆ اتاندى. ول 12 گول سالدى. ۇزدىك قاقپاشى – جامبىل وبلىسىنىڭ تۋماسى نۇرداۋلەت قوجامۇراتوۆ. ەڭ مىقتى قورعاۋشى بولىپ نۇرجان جومارتوۆ، ال ۇزدىك جارتىلاي قورعاۋشى بولىپ قوستانايلىق ارناز كازىمبەكوۆ تانىلدى. ۇزدىك شابۋىلشى الماتى وبلىسىنان كەلگەن ەرحان كارىموۆ بولدى. جامبىل وبلىسىنىڭ تۋماسى ءاليسۇلتان ميلليازوۆ ءتۋرنيردىڭ ۇزدىك ويىنشىسى اتاندى.

  «ۇيىمداستىرۋشىلارعا وسىنداي مۇمكىندىك ءۇشىن العىس ايتامىز. ءبىز بۇكىل ەلىمىزدەن كەلگەن ۇزدىك ويىنشىلاردى كوردىك. جەڭىس وڭاي كەلگەن جوق. قارسىلاستارىمىز وتە مىقتى بولدى. بىراق، بۇگىن جەڭىسكە ارقاشان جەتۋگە بولاتىنىنا كوز جەتكىزدىك. ماقساتىڭا ۇمتىلۋ قاجەت. مۇنداي تۋرنيرلەر بولاشاعىن فۋتبولمەن بايلانىستىرعىسى كەلەتىن، بىزدەر سياقتى بالالار ءۇشىن جاقسى ترامپلين. «Coca-Cola بىلعارى دوپ» ءتۋرنيرى ارمانىما اپارار جول»، – دەپ ءبولىستى ءاليسۇلتان ميلليازوۆ.

تۋرنير «بۇقارالىق فۋتبولدى دامىتۋ جونىندەگى ەڭ ماڭىزدى جىل وقيعاسى» (2006 ج.) جانە «جىلدىڭ ۇزدىك دەمەۋشىلىك جوباسى» (2012 ج.) رەتىندە ۋەفا ديپلومدارىمەن ەكى مارتە ماراپاتتالدى.

سوڭعى جاڭالىقتار