16 مامىر, 15:06 288 0 ىشكى ساياسات اسەل انۋاربەك

دەپۋتاتتار ساپارى جالعاسۋدا

ەلىمىزدىڭ ءار وڭىرىندە ءماجىلىس دەپۋتاتتارىنىڭ حالىقپەن كەزدەسىپ جاتقانى ءمالىم. بۇل كەزدەسۋدىڭ باستى ماقساتى – تۇڭعىش پرەزيدەنت، ەلباسى نۇرسۇلتان نازارباەۆتىڭ الەۋمەتتىك باستامالارىن جۇزەگە اسىرۋ جانە تابىسى از جانە كوپبالالى وتباسىلارىن قولداۋعا باعىتتالعان.

پارلامەنت وكىلدەرى ەڭبەك ۇجىمدارىمەن وندىرىستىك الاڭداردا جۇزدەسەدى جانە اۋىلشارۋاشىلىق، الەۋمەتتىك مەكەمەلەرگە بارادى. وسىعان وراي، جوعارعى اگرارلىق تەحنيكالىق كوللەدجىنىڭ قىزمەتكەرلەرى قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى ە.قۇدايبەرگەن، م.چيركوۆ، ك.ءابساتىروۆ، گ.شيپوۆسكيحپەن كەزدەستى. كەزدەسۋ بارىسىندا دەپۋتاتتار 3D اقپاراتتىق ديزاين كابينەتىمەن تانىستى.

«بۇگىن كوللەدجدىڭ جۇمىستارىن كورىپ كوڭىلىمىز تولىپ تۇر. ەلىمىزدىڭ باتىس وڭىرىندەگى، ماڭعىستاۋ، اتىراۋ وبلىستارىنا كەرەكتى، ەڭبەك نارىعىنداعى سۇرانىستاعى ماماندىقتار وسىندا دايىندالىپ جاتىر. ال 3D مودەلدەۋگە كەلەتىن بولساق، بۇگىن عىلىم العا قارقىنداپ دامۋ ۇستىندە. 3D مودەلدەۋ جاستارعا كەلەشەكتە دامۋعا ۇلكەن مۇمكىنشىلىك بەرەدى. ەلباسى ن.نازارباەۆ جاستاردى قولداۋ ماقساتىندا جۇمىس ورىندارىن اشۋعا تاپسىرما جانە جاس مامانداردى باسپانامەن قامتاماسىز ەتۋگە تاپسىرما بەردى. ەڭ باستىسى ەڭبەكتەنۋ كەرەك. «الما ءپىس، اۋزىما ءتۇس» دەيتىن زامان ەمەس. جاڭا دا ايتىپ وتتىك، بۇگىندە تىرلىك جاسايمىن، وسەمىن، ونەمىن دەگەن ادامعا بارلىق مۇمكىندىك قاراستىرىلعان. الدىنا ماقسات قويعان، ءارى سول جولدا تىنباي ەڭبەكتەنگەن ادام جەتىستىككە جەتەدى دەپ ويلايمىن»، – دەدى ءماجىلىس دەپۋتاتى، حالىقارالىق ىستەر، قورعانىس جانە قاۋىپسىزدىك كوميتەتىنىڭ مۇشەسى ەرجان قۇدايبەرگەن.

سوڭعى جاڭالىقتار