16 مامىر 2019, 15:04 492 0 نۇر وتان اسەل انۋاربەك

ارداگەرلەرگە قۇرمەت كورسەتىلدى

ارداگەرلەرگە قۇرمەت كورسەتۋ – ۇرپاق پارىزى. بۇل مىندەتتى ورىنداۋدان «Nur Otan» پارتياسى دا ەشقاشان تارتىنعان ەمەس. پارتيانىڭ «ارداگەرلەردى ارداقتايىق» جوباسى سوزىمىزگە دالەل. ال كۇنى كەشە ماڭعىستاۋ وبلىسىنىڭ اكىمى، «Nur Otan» پارتياسى وبلىستىق فيليالىنىڭ توراعاسى ەرالى توعجانوۆ سوعىس جانە تىل ارداگەرلەرىنىڭ شاڭىراعىندا بولىپ، مەرەكەمەن قۇتتىقتادى.

باتىس-قازاقستان وبلىسىنىڭ تۋماسى، بۇگىندە ماڭعىستاۋ وڭىرىندە تۇرىپ جاتقان قامقا ۇمبەتالينا اسكەر قاتارىنا 1942 جىلى شاقىرتىلعان. قازىر 96 جاستا. ول ءىى دۇنيەجۇزىلىك سوعىس كەزىندە № 9 اۋە اسكەرىنىڭ ءبىرىنشى قيىر شىعىس مايدانىندا ۇشقىش بولعان. ەلگە ورالعان سوڭ كوپ جىلدار مۇناي سالاسىندا ەڭبەك ەتىپ، ابىرويلى زەينەتكە شىققان.

سونداي-اق، سۇراپىل سوعىس جىلدارى تىلدا ەڭبەك ەتكەن جاندار ۇمىت قالعان ەمەس. ولارعا ارتىلعان جۇك جەڭىل بولمادى. تابىن ورجانوۆ – تىل ارداگەرى. بولاشاق ۇرپاققا بەيبىت عۇمىر سىيلاعان قامقا ۇمبەتالينا مەن تابىن ورجانوۆپەن ەمەن-جارقىن اڭگىمەلەسكەن وبلىس باسشىسى ءوزىنىڭ جىلى لەبىزىن ءبىلدىرۋدى ۇمىتپادى. «وسكەلەڭ ۇرپاق جاۋىنگەرلەر مەن تىل ەڭبەككەرلەرىنىڭ اۋىزبىرلىگى مەن ەرلىگى، ەرەكشە تاباندىلىعى مەن وتانعا دەگەن ىستىق سەزىمىنىڭ ارقاسىندا جەڭىسكە قول جەتكىزگەنىمىزدى ءبىلۋى ءتيىس»، – دەدى اكىم ەرالى توعجانوۆ.

ءوز كەزەگىندە، ارداگەرلەر دە ەستەلىكتەرىمەن ءبولىسىپ، ىزگى تىلەكتەرىن جەتكىزدى.

سوڭعى جاڭالىقتار