16 مامىر 2019, 15:01 575 0 نۇر وتان اسەل انۋاربەك

كۇرمەۋلى ماسەلەلەر شەشىمىن تاپپاق

قازاقستان رەسپۋبليكاسى ءماجىلىسىنىڭ دەپۋتاتتارى ماڭعىستاۋ وڭىرىنە جۇمىس ساپارىمەن بارىپ، بىرقاتار نىسانداردى ارالاپ، جۇمىس بارىسىمەن تانىستى. حالىق قالاۋلىلارى الدىمەن «ماەك-قازاتومپروم» جشس-ىندە بولىپ، ۇجىممەن كەزدەستى.

كومبينات اقتاۋ قالاسى مەن جاقىن ماڭداعى كەنتتەردىڭ تۇرعىندارىن، سونداي-اق ءوڭىردىڭ ونەركاسىپتىك كاسىپورىندارىن اۋىز سۋمەن جانە شارۋاشىلىق سۋمەن، جىلۋمەن جانە ەلەكتر ەنەرگياسىمەن جابدىقتايدى.

كومبيناتتا بۇگىندە 4000-عا جۋىق جۇمىسشى جانە ماماندار جۇمىس ىستەيدى. قازىرگى ۋاقىتتا كومبينات 600 مۆت-تان استام ەلەكتر قۋاتىمەن جۇمىس ىستەۋ جانە تاۋلىگىنە 60 مىڭ تەكشە مەتردەن استام ديستيلليات شىعارۋ مۇمكىندىگى بار كومبيناتتىڭ ءتيىستى قىزمەتتەرى كاسىپورىن جۇمىسىنىڭ قورشاعان ورتاعا اسەرىنە تۇراقتى مونيتورينگ جۇرگىزىپ وتىرادى. ماەك بارلىق وندىرىستىك قىزمەتىنە قاجەتتى ليتسەنزيالارمەن قامتاماسىز ەتىلگەن. كومبينات وبەكتىلەردەگى ەنەرگەتيكالىق جانە وزگە دە جابدىقتاردىڭ سەنىمدى، اپاتسىز جۇمىسىن قامتاماسىز ەتەتىن جانە قاجەتتى جوندەۋ جۇمىستارىن جۇرگىزۋگە تولىق مۇمكىندىكتەرى مەن بىلىكتىلىگى جەتكىلىكتى، ءبىلىم دەڭگەيى جوعارى ماماندارمەن قامتىلعان. 2018 جىلدىڭ 3 شىلدەسىنەن باستاپ «ماەك-قازاتومونەركاسىپ» جشس جارعىلىق كاپيتالىنداعى 100 پايىز قاتىسۋ ۇلەسى «سامۇرىق-قازىنا» اق-نا تيەسىلى.

حالىق قالاۋلىلارى نەگىزگى باسىم باعىتتارعا، ونىڭ ىشىندە الەۋمەتتىك قامسىزداندىرۋ سالاسىنا باسا نازار اۋدارىپ، ازاماتتاردىڭ ءال-اۋقاتىن جاقسارتۋعا ەرەكشە ءمان بەرىلىپ كەلە جاتقاندىعىن العا تارتتى. كەزدەسۋدە ەڭبەك ۇجىمى حالىق قالاۋلىلارىنا ءوز-ۇسىنىستارىن ءبىلدىرىپ، پىكىر الماستى.

ءماجىلىس دەپۋتاتى ساكەن وتەباەۆ كۇرمەۋى شەشىلمەگەن ماسەلەلەر از ەمەس، سول سەبەپتى بارلىق سالانى دامىتۋ بويىنشا جۇمىستار قولعا الىنىپ جاتقاندىعىن ايتىپ ءوتتى. «ماڭعىستاۋدىڭ مۇنايلى ولكە ەكەنىن ءبارى بىلەدى. جۇمىسسىزدىق ماسەلەسى كوتەرىلسە، تۇرعىنداردىڭ باسىم بولىگى مۇناي سالاسىنا جۇمىسقا تۇرعىسى كەلەدى. سەبەبى ايلىق جالاقىسى جوعارى. الايدا مۇناي كومپانيالارىن دا تۇسىنۋگە بولادى، بارلىعىنا بىردەي جالاقىسى جوعارى جۇمىس تاۋىپ بەرۋ قيىن. سول سەبەپتى باسقا سالالارعا دا كوڭىل اۋدارۋ قاجەت. وسىنداي سۇراقتاردى ءبىزدىڭ ارىپتەستەرىمىز ۇكىمەت وتىرىستارىندا ۇنەمى كوتەرىپ كەلەدى. الداعى ۋاقىتتا بۇل پروبلەما ءوزىنىڭ شەشىمىن تاباتىنىنا سەنىمدىمىز»، – دەدى ءماجىلىس دەپۋتاتى.

باسقوسۋدا بىرقاتار وزەكتى الەۋمەتتىك ماسەلەلەر كوتەرىلىپ، ايتىلعان بارلىق ۇسىنىس-پىكىرلەر ءماجىلىس دەپۋتاتتارىنىڭ نازارىنا الىندى. الدا دەپۋتاتتار وزگە دە كاسىپورىندا بولىپ، تۇرعىنداردى جەكە سۇراقتارمەن قابىلداۋ جوسپاردا بار.

تەگتەر نۇر وتان

سوڭعى جاڭالىقتار