16 مامىر 2019, 14:19 537 0 بىلگەنگە مارجان "تۇركىستان" گازەتىنىڭ اۆتورلارى

قازاقستان حالقى – 18 ملن 448,6 مىڭ ادام...

بىلتىرعىعا قاراعاندا بيىل حالقىمىزدىڭ سانى 1,3 پايىزعا كوبەيىپتى. ياعني، 2019 جىلعى 1 ساۋىردەگى دەرەككە سەنسەك، وتكەن جىلدىڭ 1 ساۋىرىمەن سالىستىرعاندا 238,8 مىڭ ادامعا ءوسىم بار.

بۇل از با، كوپ پە؟ رەسمي دەرەكتەردى سويلەتسەك، قر ۇەم ستاتيستيكا كوميتەتىنىڭ دەرەگى بىلاي دەيدى:  قالا تۇرعىندارىنىڭ سانى 10 ملن 734,2 مىڭ ادامدى نەمەسە جالپى حالىق سانىنىڭ 58,2 پايىزىن، ال اۋىل تۇرعىندارى 7 ملن 714,47 مىڭ ادامدى نەمەسە 41,8 پايىزدى قۇرايدى.

ال قاڭتار-ناۋرىزدا رەسپۋبليكادا 1 جاسقا تولماعان 856 ءسابي شەتىنەگەن. وكىنىشتىسى، 2018 جىلدىڭ ءدال وسىنداي كەزەڭىمەن سالىستىرعاندا 1 جاسقا دەيىنگى سابيلەردىڭ ءولىم-ءجىتىمى 4,4 پايىزعا ارتقانى بايقالادى.  2019 جىلدىڭ قاڭتار-ناۋرىزىندا ءسابي ءولىمىنىڭ كوەففيتسيەنتى 1000 دۇنيەگە كەلگەن بالاعا شاققاندا 9,31 وقيعا بولدى. ءسابي ءولىم-جىتىمىنە پەريناتالدىق كەزەڭدە پايدا بولعان جاعدايلار سەبەپ بولعان. قاڭتار ايىنىڭ وزىندە 447 بالا شەتىنەگەن. تۋا بىتكەن اۋىتقۋدان 164, تىنىس الۋ مۇشەلەرى اۋرۋىنان 72, توتەنشە جاعدايلاردان 24 بالا كوز جۇمدى.

بيىلعى جىلدىڭ قاڭتار-ناۋرىزىندا وتكەن جىلدىڭ وسى كەزەڭىمەن سالىستىرعاندا، قازاقستانعا كەلۋشىلەردىڭ سانى 8,4 پايىزعا ازايىپ، كەتۋشىلەردىڭ سانى 22 پايىزعا ارتتى. نەگىزگى ميگراتسيالىق الماسۋلار تمد ەلدەرىنە تيەسىلى. تمد ەلدەرىنەن كەلگەندەردىڭ ۇلەسى 84,5 پايىزدى جانە اتالعان مەملەكەتتەرگە كەتكەندەر سانى 89,1 پايىز بولدى. ەل اۋماعىنان تىسقارى كەتكەن ميگرانتتار سانى 14,1 پايىزعا ارتتى. وڭىرارالىق قونىس اۋدارۋدا  كوشى-قوننىڭ وڭ سالدوسى ماڭعىستاۋ وبلىسىندا (369 ادام) جانە نۇر-سۇلتان (6 089) مەن الماتى (6 559) قالالارىندا تىركەلگەن.

«تۇركىستان-اقپارات»

سوڭعى جاڭالىقتار