15 مامىر 2019, 16:40 505 0 سپورت "تۇركىستان" گازەتىنىڭ اۆتورلارى

گولوۆكيننىڭ جاڭا جاتتىعۋ لاگەرى قايدا؟

ابەل سانچەستەن كەتكەن GGG لاگەردى دە اۋىستىردى. ورتا سالماقتا بۇرىنعى الەم چەمپيونى قازاقستاندىق گەننادي گولوۆكين (38-1-1, 34 كو) كەلەسى جەكپە-جەگىنە دايىندىعىن جالعاستىرىپ جاتىر.

مۇنىڭ الدىندا ابەل سانچەستەن كەتكەن گولوۆكين جاتتىعۋ لاگەرىن دە اۋىستىرعانى حابارلانعان. قازاقستاندىق سانچەستىڭ The Summit زالى ورنالاسقان كاليفورنيا شتاتىنداعى Big Bear مەكەنىندە قالدى، بىراق، باسقا ورىندى تاڭدادى. ESPN ءجۋرناليستى ستيۆ كيم جانە Under the Hand Wraps YouTube ارناسىنىڭ اۆتورى گولوۆكيننىڭ جاتتىعۋىن بارىپ تاماشالادى.

GGG قازىر ءۇش سالماقتا بۇرىنعى الەم چەمپيونى شەين ءموزليدىڭ زالىندا ەكەن. گولوۆكين كەلەسى كەزدەسۋىن 8 ماۋسىمدا نيۋ-يوركتە Madison Square Garden ارەناسىندا كانادالىق ستيۆ روللسقا قارسى وتكىزەدى. بۇل جەكپە-جەك قازاقستاندىق ءۇشىن جاڭا باپكەر دجوناتان بەنكستىڭ جەتەكشىلىگىمەن جانە DAZN پلاتفورماسى اياسىندا دەبيۋتتىك بولادى.

سوڭعى جاڭالىقتار