15 مامىر 2019, 16:35 516 0 ىشكى ساياسات "تۇركىستان" گازەتىنىڭ اۆتورلارى

كوپ بالالى وتباسىلاردىڭ ۇيلەرىن جوندەپ بەرەدى

ەلىمىزدەگى كوپ بالالى وتباسىلاردىڭ ۇيلەرىنە جوندەۋ جۇمىستارى جۇرگىزىلمەك. بۇل تەك جاڭا تەلەجوبا اياسىندا جۇزەگە اسىرىلادى. بۇل تۋرالى اقپارات جانە قوعامدىق دامۋ ءمينيسترى داۋرەن اباەۆ حابارلادى.

ءمينيستردىڭ ايتۋىنشا، جوبا مەملەكەتتىك اقپاراتتىق تاپسىرىسپەن رەسپۋبليكالىق تەلەارنالاردىڭ بىرىندە كورەرمەنگە ۇسىنىلاتىن بولادى. باعدارلاما جەلىسى بويىنشا، ەلىمىزدىڭ كەز كەلگەن وڭىرىنەن 24 كوپ بالالى وتباسى تاڭدالادى. وتاندىق تەلەونىم ارقىلى وعان قاتىسقان بىرقاتار وتباسىنىڭ پاتەرى مەن ۇيلەرى تولىق جاڭارتىلادى. وعان مەملەكەت تاراپىنان 130 ميلليون تەڭگە قاراجات بولىنگەن.

ازىرگە جوبا دايىندىق ۇستىندە. ياعني قاتىسقىسى كەلەتىن كوپ بالالى وتباسىلاردان وتىنىمدەر قابىلدانادى. ال تەلەباعدارلاما 11 تامىزدان باستاپ كورەرمەنگە جول تارتادى.

«جىل سايىن كوپ بالالى وتباسىلاردى قولداۋ ماقساتىندا مەملەكەتتىك باعدارلامالار جۇزەگە اسىرىلۋدا. اعىمداعى جىلدىڭ وزىندە اتاۋلى الەۋمەتتىك كومەكپەن قاتار 40 مىڭ جالدامالى پاتەر قۇرىلىسىنا قاتىستى جاڭا ءىس-شارالار قولعا الىندى. اقپارات جانە قوعامدىق دامۋ مينيسترلىگى دە كوپ بالالى وتباسىلارعا بايلانىستى باستامالاردى قولداۋعا ءاردايىم دايىن»، دەدى داۋرەن اباەۆ.

سوڭعى جاڭالىقتار