14 مامىر 2019, 15:01 781 0 تەحنولوگيالار "تۇركىستان" گازەتىنىڭ اۆتورلارى

ەلەكتروندى ساتىپ الۋشىلار 2,3 ميلليونعا جەتكەن

ۇكىمەت وتىرىسىندا ءبىرشاما وزەكتى ەكونوميكالىق ماسەلەلەر تالقىلاندى. قر ۇلتتىق ەكونوميكا ءمينيسترى رۋسلان دالەنوۆتىڭ ايتۋىنشا قازاقستاندا تاماق ونىمدەرىنىڭ ەلەكتروندىق ساۋدا كولەمى 15,4 ملرد تەڭگەنى قۇراعان.

«ەلەكتروندى زامانداعى ەلەكتروندى ساۋدا الەم بويىنشا ەڭ ءتيىمدى دەپ تانىلىپ وتىر. سونىڭ ىشىندە ءبىزدىڭ ەلىمىزدە قارقىندى تۇردە دامىپ كەلە جاتقان تاماق ساۋداسى جالپى تاۋارلاردىڭ 4 پايىزدىق قۇنىن، ياعني 15,4 ملرد تەڭگەنى قۇرايدى. بۇل كورسەتكىش 2023 جىلعا قاراي جوسپار بويىنشا 64 پايىزعا ءوسىپ، 134,5 ملرد تەڭگەگە جەتەدى»، - دەدى مينيستر.

رۋسلان دالەنوۆ قازاقستاندا ينتەرنەتتە ساۋدا جاساۋشىلاردىڭ سانى ارتقانىن ايا كەلە: «ساۋدانىڭ ۇتىمدى تۇرىنە اينالىپ ۇلگەرگەن ينتەرنەت ساۋداسىندا شەكتەۋ دە، شەكارا دا جوق. ول دەگەنىمىز كەز-كەلگەن جەردە وتىرىپ، الەمنىڭ ارعى تۇكپىرىنەن قاجەتىڭىزگە قول جەتكىزۋ. قازىر مۇنداي ادامدار قازاقستاندا 2,3 ميلليونعا جەتتى» - دەدى.

رىسبەك اراپحانۇلى

 

سوڭعى جاڭالىقتار