14 مامىر, 14:32 337 0 ەكولوگيا "تۇركىستان" گازەتىنىڭ اۆتورلارى

ەلوردادا 8,6 ملن ءتۇپ گۇل ەگىلەدى

نۇرسۇلتان قالاسىندا  گۇل ەگۋ ناۋقانى قىزۋ ءجۇرىپ جاتىر. بيىل 162 288 شارشى مەتر جەرگە 8,6 ملن ءتۇپ گۇل وتىرعىزۋ جوسپارلانعان.

قالانىڭ بارلىق اۋداندارى كوگالداندىرۋ جۇمىستارىن باستادى.سونىڭ ىشىندە «الماتى» اۋدانىندا – 50 436, «ەسىل» اۋدانىندا – 80 999 شارشى مەتر، «سارىارقا» اۋدانىندا –16 155 شارشى مەتر اۋماققا گۇل وتىرعىزىلادى.

قالا اكىمىنىڭ ورىنباسارى ارمان تۇرلىبەك: «اۋدان اكىمدەرى مەردىگەرلەردى انىقتاۋ بويىنشا جۇمىستى كۇشەيتۋى كەرەك. سونداي-اق قالا اۋداندارىنىڭ 30 مامىرعا دەيىن گۇل ەگۋ جۇمىستارىن اياقتاپ، بارلىق قاجەتتى شارالاردى قابىلداۋى كەرەكتىگىن اتاپ وتكىم كەلەدى»، – دەدى اكىمدىكتەگى كەزەكتى وتىرىستا.

بيىل گۇلدەردىڭ رەكوردتىق سانى ەگىلەدى دەپ جوسپارلانعان. ارمان تۇرلىبەكتىڭ ايتۋىنشا، گۇلدەرتىڭ ءتۇپ سانى 8,6 ميلليون بولادى. جوسپارعا سايكەس كوكتەمگى كەزەڭدە قالادا 14 مىڭ اعاش وتىرعىزىلماق. ماسەلەن، وتكەن جىلى كوكتەمدە 13 234 تال ەگىلدى. بۇگىنگە دەيىن ەلوردانىڭ بارلىق اۋداندارى 6 688 اعاشتى (47%), سونداي-اق بۇتالى قورشاۋدىڭ 1 450 پوگوندى مەترىن ەكتى. سونىمەن قاتار اۋدان باسشىلارىنا ءشوپ شابۋ جۇمىستارىن ۇيىمداستىرۋ قاجەت. «اۋا رايىنا بايلانىستى ءشوپتىڭ قارقىندى ءوسۋى بايقالادى. وسىعان بايلانىستى بارلىق ساياباقتاردا، گۇل باقتارىندا، جول جيەگىندەگى ۋچاسكەلەردە جانە گۇلزارلاردا العاشقى ءشوپ شابۋ شارالارى 10 كۇن ىشىندە اياقتالۋى كەرەك»، – دەدى ا.تۇرلىبەك

كارىمحان قالي

سوڭعى جاڭالىقتار