13 مامىر, 15:49 277 0 الەۋمەت دينارا مىڭجاسارقىزى

ەرجان ماكسيم «جاس وركەن» بايقاۋىنىڭ سىيلىعىمەن ماراپاتتالادى

ەرجان ماكسيم ءبىرىنشى رەسپۋبليكالىق "جاس وركەن" بالالار بايقاۋىنىڭ سىيلىعىمەن ماراپاتتالادى. بۇل تۋرالى «رەسپۋبليكا-ايماق-دامۋ» قوعامدىق قورىنىڭ پرەزيدەنتى عالىم بايتوق فەيسبۋكتەگى پاراقشاسىندا حابارلادى.

ەرجان ماكسيم ونەر كورسەتكەن «گولوس. دەتي» شوۋىنا قاتىستى داۋ تۋىندادى «وزدەرىڭىز بىلەتىندەي، ەرجان ماكسيم ءبىرىنشى رەسپۋبليكالىق "جاس وركەن" بالالار كونكۋرسىنىڭ قۇرمەت سىيلىعىمەن ("پريزنانيە گودا"!) ماراپاتتالادى. بۇعان ازاماتتىق قوعام بەلسەندىلەرى جاس دارىنىمىزدى وسى ماراپاتقا ۇسىنعان سوڭ قول جەتكىزىپ وتىرمىز. ايتپاقشى، ەرجان 2019 جىلعى 23 مامىردا قوستانايدا وتەتىن ماراپاتتاۋ راسىمىندە ءان شىرقاپ بەرۋگە ءسوز بەردى» دەلىنگەن حابارلامادا.

بيىل ماسكەۋدەگى «گولوس. دەتي» بايقاۋىندا ەكىنشى ورىن العان ەرجان ماكسيم وسى بايقاۋدان سوڭ كوپشىلىككە كەڭىنەن تانىلدى. ءتىپتى، بۇل دودادا كوپتەگەن رەسەيلىكتەر قازاقستاندىق جاس ونەرپازعا جانكۇيەر بولدى. وسى بايقاۋدان سوڭ، ءانشىنى قر مادەنيەت جانە سپورت ءمينيسترى ارىستانبەك مۇحامەديۇلى قابىلداپ، وعان ەلورداداعى «شابىت» ونەر اكادەمياسى جانىنان گرانت بولىنەتىندىگىن جەتكىزگەن ەدى.  ايتا كەتەيىك، "جاس وركەن" سىيلىعى «جاس زەرتتەۋشى»، «جاس دارىن»، «جاس تولاعاي»، «جاس پاتريوت»، «جاس ەكولوگ»، «جاس قانات»، «جاس ءبيشى»، «جاس قالام»، «جاس بلوگەر»، «ۇزدىك ەرىكتى» «جاس اقىن»، «جاس سۋرەتشى»، «جاس مۋزىكانت» نوميناتسيالارى بويىنشا ءوز قاتارىنان وزىپ شىققان بالالارعا بەرىلەدى.

سوڭعى جاڭالىقتار