10 مامىر 2019, 17:16 694 0 كولىك "تۇركىستان" گازەتىنىڭ اۆتورلارى

قوعامدىق كولىك 24:00-گە دەيىن جۇرەدى

قاسيەتتى رامازان ايىنىڭ باستالۋىنا ارنالعان ءباسپاسوز ءماسليحاتى ءوتتى. ماجىلىسكە قمدب-نىڭ الماتى قالاسى بويىنشا وكىلى ەركىنبەك قاري كەرىمبەكۇلى، ورتالىق مەشىتىنىڭ نايب- يمامدارى ەرسىن امىرە، ەرمەك كوكىرەكباەۆ، مەشىت ۇستازى تالعات ساپانوۆ، شاريعات ماسەلەلەرى جونىندەگى كەڭەسشى باۋىرجان ءاليۇلى، «يمان» جۋرنالىنىڭ باس رەداكتورى وڭعار قاجى ومىربەك قاتىستى.

وكىل يمام ەركىنبەك كەرىمبەكۇلى: «ايلاردىڭ سۇلتانى رامازان ايى – اللانىڭ ادامزاتقا تارتۋ ەتكەن ەڭ ۇلى نىعمەتتەرىنىڭ ءبىرى.
بۇل ايدا حاقتىڭ ۇلى حابارى – قۇران ءتۇستى. بۇل ايدا مىڭ ايدان دا قادىرلى – قادىر ءتۇنى بار. بۇل ايدا اللانىڭ بەس پارىزىنىڭ ءبىرى – ورازانى شىن ىقىلاسپەن اللا ريزالىعى ءۇشىن تۇتامىز، اۋىز بەكىتەمىز.
بۇل اي – توزاق ەسىكتەرى جابىلىپ، ءجاننات ەسىكتەرى ايقارا اشىق تۇراتىن اي.
رامازان – ساۋاپتار ەسەلەنەتىن، مۇسىلماننىڭ ەڭ ۇلى مۇمكىندىكتەرگە قول جەتكىزەتىن ايى»، – دەپ ءسوز باستاپ ءتۇسىندىردى.
عىلىمي زەرتتەۋلەر مەن شاريعي ماتىندەردى، وتاندىق استرونوميالىق كورسەتكىشتى نەگىزگە العان قمدب-ى عۇلامالار كەڭەسى بىلاي دەپ شەشكەن:
رامازان ايىنىڭ ءبىرىنشى كۇنى – 6 مامىر. 31 مامىردان 1 ماۋسىمعا قاراعان ءتۇن – قادىر ءتۇنى. 5 ماۋسىم – ورازا ايت. ەلىمىز بويىنشا ءپىتىر ساداقا – 300 تەڭگە.
الماتى قالاسىنداعى 8 اۋدانعا قاراستى بارلىق مەشىتتەر اي بويى اۋىزاشار بەرەدى.
ورتالىق مەشىت كۇنىنە 500 ادامعا اۋىزاشار بەرۋدى نيەت ەتىپ وتىر.
الماتى ورتالىق مەشىتىندە كۇندەلىكتى (دۇيسەنبى مەن سەنبى ارالىعىندا) اسىر مەن اقشام نامازى اراسىندا ءدىني ءبىلىم جولىنداعى جاماعاتقا ارناعان «راببىم، ءبىلىمىمدى ارتتىر!» ينتەللەكتۋالدىق ءبىلىم سايىسى وتەدى. اي سوڭىندا جەڭىمپاز انىقتالىپ، باس جۇلدە – ۋمرا قاجىلىعىنا جولداما الادى.
بوستاندىق اۋدانى مەشىتتەرى «رامازاندا وزىڭىزگە ەسەپ بەرىپ كورىڭىز» جارىسىن ۇيىمداستىرماق.
الماتى قالاسىنداعى 50 مەشىتتە تاراۋىق نامازى وقىلىپ، 46 مەشىت تاراۋىق نامازىندا قۇران كارىمدى تولىق حاتىم ەتپەك.
رامازان – قايىرىمدىلىق ايى. جىلداعىداي بيىل دا قالا مەشىتتەرى الەۋمەتتىك از قامتىلعان وتباسىلارعا قايىرىمدىلىق اقتسيالارىن ۇيىمداستىرىپ قارجىلاي جانە ازىق-تۇلىك، كيىم-كەشەكپەن قامتاماسىز قىلماق.
قالا كەپتەلىسى تىعىز بولاتىن جاندوسوۆ-شايمەردەنوۆ، رىسقۇلوۆ-رايىمبەك كوشەلەرىنىڭ قيىلىسىنداعى كەپتەلىستە تۇرىپ قالعان اۆتوكولىكتەرگە اۋىزاشار پاكەتتەرىن تاراتىپ، قۇرما جانە سۋمەن اۋىز اشتىرادى. تاراۋىق نامازىنىڭ كەش اياقتالۋىنا بايلانىستى جاماعاتتىڭ ۇيلەرىنە قايتۋ ماسەلەسى دە شەشىمىن تاۋىپ، 4 باعىتتا (ساين كوشەسى، «الماتى-1» تەمىرجول بەكەتى، تالعار تراسساسى جانە دوستىق داڭعىلى باعىتتارىندا) جۇرەتىن اۆتوبۋستار كەستەسى 5 مامىر مەن 4 ماۋسىم ارالىعىندا ءار كەشتە ساعات 24:00-گە دەيىن سوزىلدى.
«سۇلتان قورعان» مەشىتىندە تەگىن تاكسي قىزمەتى جولعا قويىلماق.
الماتى قالاسى تۇرعىندارىنا رامازان كەستەسى تەگىن تاراتىلۋدا.
وكىل يمام ەركىنبەك قاري كەرىمبەكۇلى ورتالىق مەشىتتىڭ ءتول جوباسى «قاسيەتتى قۇران كارىمنىڭ ارتىقشىلىعىنا قاتىستى 40 حاديس، «تالىمگەر پايعامبار تاعىلىمى»، «يسلام ادەبى» كىتاپتارىن، "رەسپۋبليكالىق قۇران جارىسىنىڭ فوتو تاريحى" البومىن تانىستىردى. رامازان ايىندا الماتى قالاسى اكىمدىگىنىڭ قولداۋىمەن ءاربىر مەشىت پەن جاماعاتتىڭ قاۋىپسىزدىگى ءىىو قىزمەتكەرلەرىنىڭ باقىلاۋىندا بولادى. ماجىلىستە ماماندار جۋرناليستەردىڭ سۇراقتارىنا جاۋاپ بەردى.

 

كۇلپارا جۇماعالي

سوڭعى جاڭالىقتار