10 مامىر, 17:00 389 0 ءبىلىم "تۇركىستان" گازەتىنىڭ اۆتورلارى

ينتەللەكتۋال جاستار سىنعا ءتۇستى

جاقىندا ءال-فارابي اتىنداعى قازاق ۇلتتىق ۋنيۆەرسيتەتىنىڭ حيميا جانە حيميالىق تەحنولوگيا فاكۋلتەتىنىڭ ءدارىس زالىندا فيزيكالىق حيميا، كاتاليز جانە مۇنايحيمياسى كافەدراسى مەن «ستۋدەنتتەردىڭ عىلىمي قوعامى» ۇيىمىنىڭ ۇيىمداستىرۋىمەن ەراسمۋس اكادەميالىق موبيلدىلىك بويىنشا رۋمىنيا Babes-Bolyai University, حيميالىق ينجەنەريا دەپارتامەنتىنەن كەلگەن پروفەسسورلاردىڭ قاتىسۋىمەن «LEAGUE OF سHEMISTS» اتتى ينتەللەكتۋالدىق سايىسى ءوتتى. جىل سايىن وتكىزىلەتىن بۇل كونكۋرستىڭ باستى ماقساتى – ستۋدەنتتەردىڭ ءبىلىم دەڭگەيىن كەڭەيتۋ، شىعارماشىلىق ىزدەنىسىن بايقاۋ بولىپ تابىلادى. تاپقىرلىققا، بەلسەندىلىككە باعىتتالعان بايقاۋعا دا س.ج. اسفەندياروۆ اتىنداعى قازۇمۋ، اباي اتىنداعى قازۇپۋ، ق.ساتباەۆ اتىنداعى قازۇتزۋ، قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ، قازاق مەديتسينالىق ۇزدىكسىز ءبىلىم بەرۋ ۋنيۆەرسيتەتىنىڭ، ءال-فارابي اتىنداعى قازۇۋ ستۋدەنتتەرى باق سىناستى.
حيميا ادام ومىرىنە جان-جاقتى ارالاسىپ، جىلدان-جىلعا ماڭىزى ارتا تۇسۋدە. حيمياعا بايلانىستى لوگيكالىق، مۋزىكالىق جانە قىزىقتى سۇراقتارعا قۇرالعان بايقاۋدا كوماندالار ءوزارا جولداستىق كومەك كورسەتىپ، ويلارىن تياناقتى ايتا ءبىلدى .
سايىس 7 كەزەڭنەن تۇردى: «قىزىقتى تەرميندەر»; «مۋزىكالىق جۇمباقتار»; «سۋرەتتەر سىرى»; «سۇراق-جاۋاپ»; «سيتۋاتسيالىق ەسەپ»; «ۆيدەو-سۇراق»; «بليتس-تۋرنير». سايىس بارىسىندا كرەاتيۆتى تۇردە جاسالىنعان ۆيدەو-گيپەرسىلتەمەمەن ەرەكشەلەنىپ تۇردى.
ينتەللەكتۋالدىق بايقاۋ سوڭىندا فيزيكالىق حيميا، كاتاليز جانە مۇنايحيمياسى كافەدراسىنىڭ دوتسەنتى، ح.ع.ك. ل.سىزدىكوۆا مەن دوتسەنت، ح.ع.ك. ر.ن. اجيگۋلوۆا بارلىق كوماندالارعا الداعى ۋاقىتتا ساتتىلىك تىلەپ، سايىستى قورىتىندىلادى.
حيميا عىلىمى مەن اقىل-وي باسەكەسىنە ارنالعان ينتەللەكتۋالدى سايىس قورىتىندىسى بويىنشا ۇزدىك دەپ تانىلعان كوماندالار ديپلوم، سىيلىقتارمەن ماراپاتتالدى.

د.ن. اقباەۆا،
فيزيكالىق حيميا، كاتاليز جانە
مۇنايحيمياسى كافەدراسىنىڭ دوتسەنتى،
حيميا عىلىمدارىنىڭ دوكتورى
ا.ا. باتىرباەۆا،
فيزيكالىق حيميا، كاتاليز جانە مۇنايحيمياسى كافەدراسىنىڭ وقىتۋشىسى

سوڭعى جاڭالىقتار