10 مامىر, 16:09 260 0 كولىك "تۇركىستان" گازەتىنىڭ اۆتورلارى

مەرەكە قارساڭىندا اۋە بيلەتتەرى شارىقتاپ كەتتى

مامىر باسىنان بەرى قازاقستاندا اۋە بيلەتتەرىنىڭ باعاسى شارىقتاپ تۇر. بىرىنەن كەيىن ءبىرى كەلىپ جاتقان مەرەكەلەر ۇشاقپەن قاتىناۋشىلار سانىن كۇرت كوبەيتتى.

اسىرەسە ەلوردادان ۇشاتىن بىرنەشە باعىت بويىنشا باعانىڭ ءبىرشاما وسكەنى بايقالادى. باق وكىلدەرى باعانى ساراپتاۋ ءۇشىن سولتۇستىك، وڭتۇستىك، باتىس جانە شىعىس وڭىرلەر باعاسىن سالىستىرمالى تۇردە ەسەپتەپ كوردى. اۋە كومپانيالاردىڭ سايتتارىنداعى مامىردىڭ 9-ى مەن 12-ءسى ارالىعىنا ارنالعان بيلەت باعاسى اۋەلگىسىنەن تىم قىمبات. ەلوردادان قوستانايعا تىكەلەي اۋە رەيسىمەن بارىپ-كەلۋ – 80 مىڭ تەڭگەگە جەتكەن. ءجاي كۇندەرى 40 مىڭ تەڭگەدەن ءسال قىمبات بولاتىن. شىمكەنتكە ۇشۋ باعاسى 70 مىڭ تەڭگەدەن اسادى. ال نۇر-سۇلتان-اتىراۋ باعىتىندا ۇشاتىن تۇرعىندارعا بارىپ-كەلۋ قۇنى – 96 مىڭ تەڭگە. بىراق ەڭ قىمبات باعا نۇر-سۇلتان-وسكەمەن باعىتىندا تىركەلدى. شىعىسقا بارىپ كەلۋ ءۇشىن قالتاڭىزدا كەم دەگەندە 120 مىڭ تەڭگە بولۋى كەرەك.
سونداي-اق تۇرعىندار ءجيى ساپارلايتىن نۇر-سۇلتان-الماتى باعىتىنداعى رەيستەرگە ەڭ ارزان اۋە بيلەتى – 50 مىڭ تەڭگە. مەرەكە كۇندەرى بولعاندىقتان بيلەتتەر شامامەن ەكى ەسە قىمباتتاعان. مىسالى، مامىردىڭ 13-ءى مەن 16-سى ارالىعىندا الماتىعا، دەمالىس كۇندەرىنە قاراعاندا، ەكى ەسە ارزان باعاعا بارۋعا بولادى. بيلەت قۇنى – 28 مىڭ تەڭگە. ال وسكەمەنگە ۇشاقپەن بارىپ-كەلۋ – 36 مىڭ تەڭگە، اتىراۋعا – 56 مىڭ تەڭگە. ال شىرايلى شىمكەنتكە اۋە جولدارى ارقىلى 35 مىڭ تەڭگەگە بارىپ كەلۋگە بولادى.

سوڭعى جاڭالىقتار