10 مامىر 2019, 15:56 884 0 دەنساۋلىق "تۇركىستان" گازەتىنىڭ اۆتورلارى

ورازا ۇستاماۋعا بولاتىن جايتتار

جۋىردا ورتالىق كوممۋنيكاتسيالار قىزمەتىندە رامازان ايىنا قاتىستى ءباسپاسوز ءماسليحاتى بولىپ ءوتتى. قازاقستان دەنساۋلىق ساقتاۋ مينيسترلىگى قوعامدىق دەنساۋلىق ساقتاۋ كوميتەتىنىڭ توراعاسى – باس مەملەكەتتىك سانيتارلىق دارىگەر جانداربەك بەكشين بىرقاتار كەڭەستەرمەن ءبولىستى. رامازان ايىندا اۋىز بەكىتەتىن مۇسىلماندارعا 8-10 ستاقان سۋ ءىشۋدى ۇسىندى. «نەگە دەسەڭىز، سۋ ىشكەن كەزدە، ادام شولدەمەيدى. سوسىن ءتاتتى گازدالعان سۋسىنداردى ءبىر اي بويى ۇمىتۋ كەرەك، تۇزدالعان تاعامداردى ازايتقان ءجون. سوندا ورازا جەڭىل وتەدى»، – دەدى باس سانيتارلىق دارىگەر. ول سونداي-اق ۆيرۋستى گەپاتيت، سوزىلمالى ىشەك اۋرۋلارى، اسقازان جاراسى، گاستريتى بار ادامدارعا دا ورازا ۇستاماۋعا بولاتىنىن ايتتى. «مۇنداي كەزدە ازاماتتار مىندەتتى تۇردە دارىگەرىمەن كەڭەسۋى كەرەك. دارىگەر رۇقسات بەرسە، سوندا عانا ورازا ۇستاۋعا بولادى»، – دەدى بەكشين. قانت ديابەتى، گيپەرتونيا، ميوكارد ينفاركتىسىنە شالدىققان، ينسۋلت العان ادامدارعا اۋىز بەكىتپەۋگە كەڭەس بەردى. «20 ساعات بويى اس-سۋسىز ءجۇرۋ وتە قيىن. سوندىقتان جۇكتى ايەلدەر، بالا ەمىزەتىن انالار، قاريالار مەن جەتى جاسقا تولماعان بالالار، اسكەري ادامدارعا ورازا ۇستاماۋىنا بولادى»، – دەدى بەكشين

سوڭعى جاڭالىقتار