8 مامىر 2019, 22:11 871 0 ىشكى ساياسات دينارا مىڭجاسارقىزى

12 مىڭ كوپبالالى وتباسى ءوز پاتەرىنە كىرەدى

بۇگىن ۇكىمەتتىڭ ءباسپاسوز ورتالىعىندا وتكەن بريفينگ بارىسىندا قر يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنباەۆ كوپبالالى جانە از قامتىلعان وتباسىلارعا تۇرعىن ءۇي كومەگىن ۇسىنۋ تەتىگىن ىسكە اسىرۋ بارىسى تۋرالى ايتىپ بەردى، - دەپ حابارلايدى تengrinews.kz ءتىلشىسى قر پرەمەر-ءمينيسترىنىڭ ءباسپاسوز قىزمەتىنە سىلتەمە جاساپ.

قايىربەك وسكەنباەۆتىڭ ايتۋىنشا، قازىرگى تاڭدا ەلىمىزدە 340 مىڭعا جۋىق كوپبالالى وتباسى بار، ولاردىڭ ىشىندە 31 مىڭنان استامى باسپاناعا مۇقتاج رەتىندە اكىمدىكتەردىڭ كەزەگىندە تىركەلگەن (1 قاڭتارداعى جاعداي بويىنشا - 28 مىڭنان اسا وتباسى). جىل سايىن كوپبالالى وتباسىلار ءۇشىن جالعا بەرىلەتىن تۇرعىن ءۇي سالۋعا جانە ساتىپ الۋعا وڭىرلەرگە 50 ملرد تەڭگەدەن ءبولۋ كوزدەلگەن. بۇل جىل سايىن 6 مىڭ كوپبالالى وتباسىنى قامتاماسىز ەتۋگە جول اشادى، 2025 جىلعا دەيىن - 40 مىڭ كوپبالالى وتباسى جالدامالى تۇرعىن ۇيمەن قامتىلادى. بيىلعى 1 مامىردا 249 باسپانا بەرىلدى. كەشە، 7 مامىردا، سەمەي جانە وسكەمەن قالالارىندا كوپبالالى وتباسىلارعا 10 پاتەر بەرىلدى. بيىلعى مامىر ايىنىڭ سوڭىنا دەيىن بارلىق قارجى كوزدەرى ەسەبىنەن 1200-1300 كوپبالالى وتباسىنى تۇرعىن ۇيمەن قامتاماسىز ەتۋ جوسپاردا بار. "بىزدە باسپانا بەرۋدىڭ ارنايى كەستەسى بار. ماسەلەن، 9 مامىردا باتىس قازاقستان وبلىسىنىڭ، شىمكەنت قالاسىنىڭ كوپبالالى وتباسىلارىنا پاتەرلەردىڭ كىلتتەرى تابىستالادى. 25 مامىردا اتىراۋ وبلىسى مەن الماتى قالاسىندا بەرىلەدى", - دەپ مالىمدەدى وسكەنباەۆ. قوسىمشا شارا رەتىندە بيىلعى ماۋسىم ايىندا "تۇرعىن ءۇي قۇرىلىس جيناق بانكى" اق ارقىلى كوپبالالى، تولىق ەمەس وتباسىلاردى، سونداي-اق مۇمكىندىكتەرى شەكتەۋلى بالالارى بار وتباسىلاردى جەڭىلدىكپەن نەسيەلەندىرۋدى باستاۋ جوسپارلانعان. بۇل زايمدار جىلدىق 2% مولشەرلەمە بويىنشا، 20 جىلعا دەيىنگى مەرزىمگە، باستاپقى جارناسى 10%-دان باستاپ بەرىلەدى. باستاپقى جارنانىڭ ءبىر بولىگى تۇرعىن ءۇي سەرتيفيكاتىمەن جابىلۋى مۇمكىن. اتالعان تەتىكتى ىسكە اسىرۋعا ءۇش جىل ىشىندە 150 ملرد تەڭگە ءبولۋ كوزدەلگەن. بۇل جىل سايىن 6 مىڭ زايم بەرۋدى قامتاماسىز ەتەدى، 25 جىلدىڭ ىشىندە 56 مىڭ زايم بەرىلەتىن بولادى. سونداي-اق، ق. وسكەنباەۆ "التىن القا", "كۇمىس القا", "باتىر انا" اتاعىن العان كوپبالالى وتباسىلار مەن انالار جەكە ساناتقا شىعارىلىپ، ولارعا ءبىرىنشى كەزەكتە تۇرعىن ءۇي الۋ قۇقىعىن بەرۋ زاڭنامالىق تۇردە بەكىتىلگەنىن ەسكە سالدى. "نۇرلى جەر" مەملەكەتتىك باعدارلاماسى شەڭبەرىندە ءتيىستى قارجى جىلىنا ارنالعان رەسپۋبليكالىق جانە جەرگىلىكتى بيۋدجەتتەردە كوزدەلگەن قاراجاتقا سايكەس جالعا بەرىلەتىن تۇرعىن ءۇيدى ءبولۋ تۋرالى نورما انىقتالدى. "كوپبالالى وتباسىلارعا تۇرعىن ءۇي بەرۋ بويىنشا جۇرگىزىلىپ جاتقان جۇمىستىڭ العاشقى ناتيجەلەرى وسىنداي. ءبىز بۇل جۇمىستى تۇراقتى باقىلاۋعا الدىق. ەلباسىنىڭ كوپبالالى وتباسىلاردى تۇرعىن ۇيمەن قامتاماسىز ەتۋ جونىندەگى تاپسىرماسى تولىعىمەن ورىندالادى. بۇگىندە باسپانا الۋعا كەزەكتە تۇرعان كوپبالالى وتباسىلار 2025 جىلعا دەيىن مەملەكەتتەن تۇرعىن ۇيمەن قامتاماسىز ەتىلەدى. وسى جىلدىڭ وزىندە 12 مىڭ وتباسى وزدەرىنىڭ پاتەرلەرىنە ورنالاسادى (بارلىق قارجى كوزدەرى ەسەبىنەن - 6 مىڭ، تۇرعىن ءۇي قۇرىلىس جيناق بانكى ارقىلى جەڭىلدىكپەن نەسيەلەندىرۋ ەسەبىنەن - 6 مىڭ). وسىلايشا، 3-4 جىل ىشىندە تۇرعىن ۇيگە مۇقتاج كوپبالالى وتباسىلاردىڭ ماسەلەسىن تولىعىمەن شەشەمىز دەپ جوسپارلاپ وتىرمىز", - دەدى قورىتىندىلادى وسكەنباەۆ.

سوڭعى جاڭالىقتار