8 مامىر 2019, 21:46 682 0 قاۋىپسىزدىك دينارا مىڭجاسارقىزى

FlyArystan 1 اپتادا 10 مىڭ جولاۋشى تاسىمالدادى

تۇڭعىش قازاقستاندىق بيۋدجەتتىك اۋەكومپانيا ءوزىنىڭ العاشقى جۇمىس اپتاسىن اياقتاپ، وڭ ناتيجەلەرگە قول جەتكىزدى. FlyArystan اۋەكومپانياسى الماتىدان نۇر-سۇلتانعا، قاراعاندى، تاراز بەن ورالعا 10 مىڭ جولاۋشى تاسىپ ۇلگەردى.

وسى ۋاقىت ارالىعىندا قازاقستاندىق اۋەتاسىمالداۋشى 63 رەيس ورىندادى. رەيستەردى ۋاقىتىلى ورىنداۋ كورسەتكىشى 82% قۇراسا، اۋەكەمەنىڭ جۇكتەمە كوەفيتسەنت كورسەتكىشى 94% كورسەتتى. ناۋرىزدىڭ 29 باستاپ كۇنى بۇگىنگە دەيىن ساتىلعان بيلەتتەردىڭ جالپى سانى 70 مىڭنان اسىپ ءتۇستى. – الماتىدان نۇر-سۇلتان مەن تارازعا ۇيىمداستىرىلعان العاشقى رەيستىڭ بيلەتتەرى ءبىر ايدان از ۋاقىت ىشىندە تۇگەل ساتىلدى. الدىمەن جولاۋشىلارىمىز مەرەكەلىك جانە دەمالىس كۇندىك بيلەتتەردى ساتىپ الدى. 1-7 مامىر اراسىندا ساتىلعان 10 مىڭ تەڭگەگە دەيىنگى بيلەتتەر ساتىلىمنىڭ جارتىسىنان كوبىن قۇراسا، الماتىدان نۇر-سۇلتان، تاراز بەن قاراعاندىعا وسى باعامەن ساتىلعان بيلەتتەر بارلىق ساتىلىمنىڭ 2/3 بولىگىن قۇردى، – دەپ مالىمدەدى FlyArystan-نىڭ ساتۋ جانە ماركەتينگ ءبولىمىنىڭ ديرەكتورى جانار جايلاۋوۆا.  – كوپتى كورگەن ساياحاتشىلار كەلەشەك دەمالىستارىن بۇگىن جوسپارلاپ، FlyArystan-عا بيلەتتەردى برونداپ جاتىر. سەبەبى قازىر flyarystan.com سايتىندا 26 قازانعا دەيىنگى بيلەتتەر ساتىلىمى اشىق جانە دە قولجەتىمدى. ياعني مينيمالدى تاريفتەر ۇشىپ شىعۋعا بىرنەشە كۇن قالعاندا ارزان بولۋى ەكىتالاي. سول سەبەپتى ءبىز، ۋاقىتتى وتكىزبەي، بىردەن قولجەتىمدى بيلەتتەردى الىپ ۇلگەرۋگە كەڭەس بەرەمىز. ەستەرىڭىزگە سالا كەتسەك، 30 مامىردان باستاپ بيۋدجەتتىك اۋەتاسىمالداۋشى الماتىدان پاۆلودار مەن شىمكەنتكە قاتىناي باستايدى. بۇل باعىتتارعا بيلەت قۇنى 6999 جانە 4999 تەڭگەدەن باستالادى.

سوڭعى جاڭالىقتار