13 ءساۋىر 2019, 17:03 298 0 ىشكى ساياسات احمەت ومىرزاق

«ماقساتىمىز – جەمقورلىقسىز قوعام قۇرۋ»

الاتاۋ اۋداندىق سوتىندا «سىبايلاس جەمقورلىق – قوعام دەرتى» تاقىرىبىندا سەمينار وتكىزىلدى. سوت سۋديالارى مەن قىزمەتكەرلەرى جانە كەڭسە مەڭگەرۋشىسى قاتىسقان شارانىڭ اشىلۋىندا ءسوز العان اۋداندىق سوتتىڭ سۋدياسى جانار ابدراحمانوۆا اۋەلى سىبايلاس جەمقورلىققا قارسى تۇرۋ ءار ازاماتتىڭ، مەملەكەتتىك قىزمەتشىنىڭ مىندەتى ەكەنىن ەسكە سالدى.

ءوز بايانداماسىندا سۋديا جانار مۇراتقىزى، جەمقورلىقتىڭ الدىن الۋعا باعىتتالعان زاڭنىڭ مىندەت-ماقساتتارىن ءسوز ەتىپ، سىبايلاس جەمقورلىق مەملەكەتتىك باسقارۋدىڭ تيىمدىلىگىن تومەندەتىپ، پروگرەسسيۆتى الەۋمەتتىك-ەكونوميكالىق دامۋىن تەجەيتىنىنە توقتالدى.

«سىبايلاس جەمقورلىققا قارسى كۇرەستەن بارلىق مەملەكەتتىك قىزمەتشىلەر سىرت قالماۋى قاجەت. ءاربىر مەملەكەتتىك قىزمەتشى تەك ءوز ءىس­ارەكەتتەرى ءۇشىن ەمەس، تۇتاستاي ۇجىمنىڭ جۇمىسى ءۇشىن دە جاۋاپتى. سونىمەن قاتار، مەملەكەت جۇمىس جاساۋعا لايىقتى ەڭبەك جاعدايلارىن جاساعان سوڭ، مەملەكەتتىك قىزمەتشىلەردەن زاڭنامانى قاتاڭ ساقتاۋدى تالاپ ەتۋگە قۇقىلى. ءبىز ءادىل تورەلىك جاساپ، جەمقورلىقتان جوعارى تۇرعان جاعدايدا عانا حالىق سەنىمىنە يە بولامىز»، – دەدى جانار مۇراتقىزى.

سەمينار سوڭىندا، سوت پروتسەسىنە قاتىسۋشىلارمەن ءىس جۇرگىزۋدەن تىس قارىم­قاتىناستا بولماۋ جانە سوتقا كەلۋشىلەردىڭ ارانداتۋشىلىق ءىس­ارەكەتتەرىنە جول بەرمەۋ تۋرالى قاتىسۋشىلارعا قاتاڭ ەسكەرتىلدى.

سوڭعى جاڭالىقتار