3 مامىر 2019, 13:23 995 0 بىلگەنگە مارجان "تۇركىستان" گازەتىنىڭ اۆتورلارى

تۇرگەش تەڭگەلەرى تۇركىستان ماڭىنان تابىلدى

بۇعان دەيىن تۇرگەش تەڭگەلەرى تاراز قالاسىنان تابىلعانى حابارلانعان ەدى. ال جاقىندا تۇرگەش تەڭگەسى تۇركىستان وبلىسىنا قاراستى كۇلتوبە قالاشىعى ماڭىنان تابىلدى.

قازاق عىلىمي-زەرتتەۋ مادەنيەت ينستيتۋتىنىڭ حابارلاۋىنشا، بۇل كونە قالانىڭ ءبىر عانا ءداۋىر جاساماعانىن ايعاقتايدى. تەڭگە قولادان سوعىلعان جانە جىل باسىنان بەرى تابىلعان قۇندى ارتەفاكت قاتارىنا كىرەدى. «ءبىز تاپقان تەڭگەنىڭ بىرىندە ءVىىى عاسىر دەپ جازىلعان. ونىڭ ءبىر جاعىنا  «تۇرگەشتىك قاعان مىرزا» دەلىنسە، ەكىنشى جاعىنا رۋنا ءالىپبيىن تاڭبالاعان تۇرگەش بەلگىسى جازىلعان. تەڭگە قولادان جاسالعان»، – دەيدى ارحەولوگ سەرىك اقىلبەك. «بۇل تابىلعان قۇندى جادىگەر قالانىڭ شىن مانىندە ساۋدا ورتالىعى بولعانىن جانە شىعىس پەن باتىستى جالعاستىرىپ تۇرعان ۇلى جىبەك جولىنىڭ ءبىر بەكەتى ەكەنىن دالەلدەيدى. بۇدان كەيىنگى قازبا جۇمىستارى دا كۇلتوبەنىڭ تاريحقا باي قالا ەكەنىن ايعاقتاي تۇسەتىن دۇنيەلەر تابىلاتىنىنا سەنىمىم مول»، – دەدى  قازاق عىلىمي-زەرتتەۋ مادەنيەت ينستيتۋتىنىڭ باس ديرەكتورى، PhD دوكتورى اندرەي حازبۋلاتوۆ. – قازىرگى كەزدە جالپى كولەمى 2 مىڭ شارشى مەتر اۋماق قازىلدى. ناتيجەسىندە ءدىني جورالعىلاردى جاسايتىن عيمارات، تاندىر پەشى بار تۇرمىستىق بولمە، ءتۇرلى ىدىس-اياقتىڭ سىنىقتارى، بالالار ويىنشىقتارى، تەڭگەلەر تابىلدى. سونىڭ ىشىندە ەڭ ماڭىزدىسى – ق.ا. ياساۋي كەسەنەسىن قاپتاۋعا پايدالانىلعان وڭدەگىش پليتكالار. بۇل كۇلتوبە قالاشىعىندا وسى پليتكالاردى وندىرەتىن شەبەر ورىندارى بار ەكەنىنە دالەل. قر مادەنيەت جانە سپورت مينيسترلىگى كۇلتوبە قالاشىعىنان ارحەولوگيالىق پارك اشىپ، اسپان استىنداعى مۋزەيگە اينالدىرۋدى كوزدەيدى. ال قازاق عىلىمي-زەرتتەۋ مادەنيەت ينستيتۋتى بيىلعى جىلدىڭ كۇزىندە قالانىڭ العاشقى ەكسپوزيتسيالىق بولىگىن اشۋدى جوسپارلاپ وتىر. ال ارحەولوگيالىق پاركتى اشۋ جونىندەگى جۇمىستاردى تولىق جۇزەگە اسىرۋ ءىسى 2021 جىلعا كوزدەلگەن. بارلىق قۇقىقتار ساقتالعان.

ج.ءاشىم

سوڭعى جاڭالىقتار