26 ءساۋىر 2019, 15:36 843 0 قاۋىپسىزدىك دينارا مىڭجاسارقىزى

بىشكەكتە ۋران وندىرۋگە قارسى ميتينگ ءوتتى  

26 ساۋىردە بىشكەكتىڭ الا-توو الاڭىندا قىرعىزستاننىڭ ايماعىندا ۋران وندىرۋگە قارسى نارازىلىق اكتسياسى ءوتتى.

جوگوركۋ كەڭەشتىڭ عيماراتىنىڭ الدىندا باستالعان اكتسياعا قوعام بەلسەندىلەرى قاتىستى. اكتسياعا شىققاندار قولدارىنا «ۋراندى ەمەس ۇرىلاردى ىزدەڭدەر!»، «ۋرانسىز كەلەشەك!»، «ۋرانسىز ىستىقكول!» دەپ جازىلعان پلاكاتتاردى كوتەرىپ تۇردى.

ولار سونىمەن بىرگە وسىعان دەيىن ولكەنىڭ بارلىق ايماقتارىنان ۋران قازۋعا قانشا ليزەنتسيا بەرىلگەنى بويىنشا مالىمەت بەرۋدى، ليتسەنزيالاردى قايتارىپ الۋدى تالاپ ەتتى.

ەلدىڭ ءبىرىنشى ۆيتسە-پرەمەر-ءمينيسترى كۋباتبەك بورونوۆ 25 ساۋىردە توڭ اۋدانى تۇرعىندارىمەن كەزدەسكەن كەزدە «قىرعىزستانداعى يۋرازيا» كومپانياسىنا قىزىل-ومپول كەنىشىن وندىرۋگە بەرىلگەن ليتسەنزيانىڭ قايتارىپ الىنعانىن ايتقان.

22 ساۋىردە قىزىل-ومپول ۋران كەنىندە جۇمىس ۋاقىتشا توقتاتىلعان.

پرەمەر-مينيستر مۋحاممەدكالىي ابىلگازيەۆ 24 ساۋىردە پارلامەنتتە ۋران كەنىندە ىستەپ جاتقان «قىرعىزستانداعى يۋرازيا» كومپانياسى 2004 جىلى تىركەۋدەن وتكەنىن، 2010 جىلى كەندى گەولوگيالىق بارلاۋ جۇمىسىنا رۇقسات العانىن ايتقان. 2015 جىلى ليتسەنزيالىق كەلىسىم ۇزارتىلعان.

سوڭعى جاڭالىقتار